SANDUK MAR 18A
Jehova Chiwo Siem e Wi Lweny Maduong’ Mabiro
Muma oting’o weche mokor ma chiwo siem e wi lweny mogik ma Jehova biro tiekogo joma kwede kod ma kwedo joge. Magi e moko kuom weche ma nokorgo. ne ane weche machalre e siemgo, kendo ne ni Jehova oseneno ni ji duto oyudo thuolo mar winjo siemgo mondo gikaw okang’.
KINDE JO-ISRAEL MACHON
EZEKIEL: “‘Abiro luongone [Gog] ligangla kowuok e godena duto,’ Jehova Wuon Loch Duto owacho.”—Eze. 38:18-23.
JEREMIA: “En owuon [Jehova] e mobiro ng’ado bura ne dhano duto. Obiro tieko joricho gi ligangla.”—Jer. 25:31-33.
DANIEL: ‘Nyasaye manie polo nochung pinyruoth ma biro ng’injo pinjeruodhi mamokogi duto motiekgi chuth.’—Dan. 2:44.
KINDE JOKRISTO MOKWONGO
YESU: “Masira maduong’ nobedie ma pok ne otimore a chakruok piny.”—Mat. 24:21, 22.
PAULO: ‘Yesu ka en-gi malaikene ma nigi teko chulo kuor ne jo ma ok ong’eyo Nyasaye.’—2 The. 1:6-9.
PETRO: “Odiechieng Jehova nobi kaka jakuo, . . . kendo piny kod tije man e iye ibiro el.”—2 Pet. 3:10.
JOHANA: “To ligangla mabith kendo mabor ne wuok koa e dhoge [Yesu], mondo ochadhgo ogendni.”—Fwe. 19:11-18.
KINDEGI
Muma e buk moselok e dhok mang’eny ahinya kendo osepoge moloyo buk moro amora
JOTICH JEHOVA MA KINDEGI . . .
Pogo bilionde mag buge mitiyogo e puonjo ji Muma e dhok miche gi miche
Tiyo gi milionde mathoth mag seche e tij lendo higa ka higa