Dârsen Rûl Chu

SAW saw rul tak takin ban a zem a ang em? A ni lo. Saw rul saw darsena siam a ni. Mipuiin an en a an nun theih nan bana tar turin Jehovan Mosia a hrilh a. Leia rul dangte erawh hi chu a taktak an ni. Mite an chuk a, an tina a. Engvanginnge i hria em?

Israel-miten Pathlan leh Mosia kalh zawnga thu an sawi vang a ni. An phunnawi a: ‘Engvanginnge he thlalera thi tur hlan Aigupta atanga min hruai chhuah? Hetah hlan chaw emaw tui emaw a awm si lo. He manna!ah hi kan ei thei tawh si lo,’ tiin.

Mahse manna chu chaw tha a ni. Thiltihmakin Jehovan an hnenah a pe a. Tui pawh thiltihmakin a pe tawh bawk a. Mahse anmahni Pathlanin a enkawl danah chuan mipui an lawm lo va. Chuvangin Israel-mite hrem nan heng rul tur neite hi Jehovan a tir a ni. Rulte chuan an chuk a, an zinga tam tak an thi a.

A tawpah mipuite chu Mosia hnenah an lo kal a: ‘Jehova leh nangmah kalh zawnga kan tawng avangin kan sual a ni e. Tunah heng rulte hi la bo turin Jehova hnenah tawngtai rawh,’ an ti a.

Tichuan Mosia chu mipui tan a tawngtai a. Tin Jehovan Mosia chu he darsen rul siam tur hlan a hrilh a. Bana tar a, rul chuk apiangte khan en turin a ti a. Mosia chuan Pathlan sawi ang chlah chuan a ti a. Tichuan mi rul chukte chuan darsen rul chu an en a, an dam leh a.

Hemi atang hlan zir tur a awm. Kan vaiin, kawng khatin, chung rul chuk Israel-mite ang chu kan ni. Thi mekin kan awm theuh va. Hawi vel la, mite tar, dam lo leh thi i hmu ang. Chu chu mipa leh hmeichhe hmasa ber, Adama leh Evin Jehova an hawisan vang a ni a, an fate kan ni vek a. Mahse chatuana kan nun theih nan Jehovan kawng pakhat a siam a.

Jehovan leiah a Fapa lsua Krista a tir a. Mi tam takin mi tha lova an ngaih vangin Isua chu bana khenbeh a ni a. Mahse min chhandam turin Jehovan Isua a pe a. Amah chu kan en a, amah kan zui chuan, chatuan nunna kan nei thei a. Mahse chumi chungchang chu a hnuah kan la zir belh ang.