Mi Dâwr Thiam Tak

Paula Tih Dân

VIDEO: Paula’n Atheni Khuaa Mite Thu A Hrilh

1. VIDEO chu en la, a nih loh leh Tirhkohte 17:22, 23 chhiar rawh. Chumi hnuah, a hnuaia zawhnate hi ngaihtuah ang che:

1. Engtin nge Paula chu Atheni khuaa sakhaw dik lo thiltih a hmuhte avângin a awm?—Tirhkohte 17:16 en rawh.

2. Atheni khuaa mite chu dem mai aiin, engtin nge Paula chuan an hnêna chanchin ṭha a hrilh theih nân an thurinte chu thiam taka a hman?

Paula Hnên Aṭangin Eng Nge Kan Zir?

2. Kan thusawi tûr te, sawi dân tûr te, leh sawi hun tûrte ngun taka kan ngaihtuah lâwk a nih chuan, mite chuan min ngaihthlâk duh lehzual a rinawm.

Paula Entawn Rawh

3. I ṭawngkam hman tûrte chu fîmkhur takin thlang rawh. Entîr nân, Kristian ni lo tuemaw i biak hunah Bible, a nih loh leh Isua i hmêlhriattîr dân chu i siamrem a ngai mai thei.

4. Mite dik lohna lai chu hrilh hmanhmawh suh. Zalên taka sawi theihna hun pe la. Bible zirtîrna nêna inmil lo thute an sawi a nih pawhin, anni chu hnial nghâl mai suh. (Jak. 1:19) An thusawi ngaihthlâksakna hmangin, an thurinte leh chutianga an rin nachhante chu i hre thiam thei ang.—Thuf. 20:5.

5. A theih hun apiangin, pawmpui la, fak rawh. Mite chuan an sakhaw thurinte chu a dik a ni tih an pawm a. Chuvângin, in inthurual theih tûr thute chu sawipui hmasa phawt la; chumi hnuah, Bible zirtîrnate hre thiam tûrin zawi zawiin ṭanpui ang che.