He Lehkhabutê Hman Dân Tûr

A dawtahte hian, nî tin atâna ni châng leh a hrilhfiahnate i hmu ang a. Ni châng leh a hrilhfiahnate chu eng hunah pawh chhiar theih ni mah se, mi tam tak chuan zîng kâra chhiar chu ṭangkai an ti a. Tichuan, chûng an thil chhiarte chu nilêngin an ngaihtuah thei a ni. Ni châng hi chhûngkua anga sawiho a nih hian a ṭangkai ber a. Khawvêl puma Bethel chhûngkuate chuan zîng chaw ei hunah an chhiarho ṭhîn a ni.

A hrilhfiahnate chu Vênnainsâng (w) April 2023 aṭanga Vênnainsâng March 2024 inkâra awm thute aṭanga lâk chhuah a ni. Vênnainsâng chhuah nî leh thla târ lan hnua number ziak chu a phêk number a ni a, a dâwta mi chu thu lâk chhuahna paragraph number a ni. (A hnuaia entîrna hi en rawh.) Chu mi chungchânga thu tam lehzual chu, chu thuziakah vêk chuan hmuh theih a ni.