Theocratic Rawngbâwlna School Ennawnna

A hnuaia ennawnna zawhnate hi June 27, 2011 chawlhkâra neih tûr Theocratic Rawngbâwlna School-ah sawiho a ni ang. School enkawltu chuan May 2 aṭanga June 27, 2011 chhûng chawlhkâra thu zirte ṭanchhanin minute 20 chhûng awh tûr ennawnna a kaihruai ang.

1. Pathian Jehova’n Joba chu a chunga thil sual titute tâna ṭawngṭaisak tûra a tihna aṭangin eng nge kan zir theih? (Job. 42:8) [w06 9/1 p. 16 par. 13]

2. Tûn laiah Kristiante hlan “felna inthawinate” chu eng nge ni? (Sâm 4:5) [w06 6/1 p. 4 par. 7]

3. Engtin nge Davida rilru chuan amah a siam ṭhat? (Sâm 16:7) [w04 12/1 p. 23 par. 9]

4. Engtin nge “vânte khian Pathian ropuizia chu a hriattîr”? (Sâm 19:1) [w04 10/1 p. 20 par. 8]

5. Sâm 27:14 chuan beiseina leh huaisenna inkûngkaih dân chu eng nge a târ lan? [w06 10/1 p. 27-28 par. 3, 6]

6. Davida’n amah hawtute chu an mita inbiaktîr lo tûra a ngenna awmzia chu eng nge ni? (Sâm 35:19) [w06 6/1 p. 5 par. 6]

7. Sala hruai Levia mi pakhat hnên aṭangin thil ngaihhlutna chungchângah zir tûr nge nge kan neih? (Sâm 42:1-3) [w06 6/1 p. 7 par. 4]

8. Engvângin nge Jerusalem chu “mawi famkimna” tia koh a nih? (Sâm 50:2) [w06 6/1 p. 7 par. 3]

9. Davida’n tu ‘thlarau tihnuam’ ṭanpuina nge a dîl? (Sâm 51:12) [w06 6/1 p. 7 par. 11]

10. Engtin nge Pathian ina oliv thing ang kan nih theih? (Sâm 52:8) [w06 6/1 p. 8 par. 9]