“Engtin Nge Dârkâr Ka Lâk Ang?”

Chu zawhna chu i zâwt ngai em? A tlângpui thua kaihhruaina chu December 2006 chhuak Kan Lalram Rawngbâwlna phêk 7-8-naah hmuh theih a ni a. September 2008 chhuak Kan Lalram Rawngbâwlna-a Zawhna Bâwm ang chi kaihhruaina dangte pawh pêk chhuah châng a awm a ni. Dinhmunte a inan ṭhin loh avângin, kaihhruaina tam tak pêk kan ni lo va. Chuvângin, upate emaw, mi dangte emaw tân kaihhruaina dang siam chu a dik lo vang.

Zawhna a lo chhuah a, chu mi atâna kaihhruaina chiang fak a awm lo a nih chuan, thuchhuahtu tinte chuan: Thlawhhma rawngbâwlna atâna hman a ni em? A nih loh leh chu hna atân chauh ni lovin thil dang atân pawha hman a ni zâwk? tiin an ngaihtuah thei ang. Thla tina kan mi mal thlawhhma rawngbâwlna report-a kan thil ziah chuan hlimna leh chhia leh ṭha hriatna thiang min pe tûr a ni. (Tirh. 23:1, C.L. Re-edited) Kan ngaih pawimawh ber tûr chu dârkâr lâk ni lovin, rawngbâwlnaa taihmâk chhuaha hun hman ṭhat hi a ni zâwk a ni.—Heb. 6:11.