‘Rinnaa Nghet Taka Awm Tûrin’ Ṭanpui Rawh

Buh sengna chunga Jehova malsâwmna avânga kum tin mi nuai hnih leh sing nga aia tamin baptisma an chang han hmuh chu a phûrawm hle. (Deut. 28:2) Thuchhuahtuin a Bible zirpui chu baptisma chang tûra a ṭanpui hnu chuan, zirna titâwpa mi dangte ṭanpui chu a duh mai thei a. A Bible zirpui pawhin rawngbâwlna atâna hun tam zâwk a pêk theih nân a zirna neih tihtâwp chu a duh mai thei bawk. Mahse, Bible zirpuite tân chuan thutaka lungphûm nghet tak neih chu a pawimawh hle a. Kristaa “zung kai” leh ‘rinnaa nghet taka an awm’ chu a ngai a ni. (Kol. 2:6, 7; 2 Tim. 3:12) Chuvângin, Bible zirpui chuan baptisma a chan hnuah pawh, Bible Zirtîrna bu leh “God’s Love” bute chu a zawh thlengin a zir chhunzawm zêl tûr a ni.—April 2011, Kan Lalram Rawngbâwlna phêk 2-na en rawh.