Zir Hun Tûr Chawlhkâr April 18

APRIL 18 CHAWLHKAR

Hla 33 leh Ṭawngṭaina

□ Kohhrana Bible Zirna:

wt bung 8 ¶1-6 (25 min.)

□ Theocratic Rawngbâwlna School:

Bible chhiar: Joba 28-32 (10 min.)

No. 1: Joba 30:1-23 (4 min. aia tam lo)

No. 2: Bible Chhiar Huna Kan Tum Ber—Pathian Jehova Hriat—wt p. 28 ¶11-12 [1] (5 min.)

No. 3: Thu Kan Sawi Hmaa Kan Ngaihtuah Phawt A Ngaih Chhan—Thuf. 16:23 (5 min.)

□ Rawngbâwlna Inkhâwm:

Hla 54

5 min: Thu puanchhuahna. Thu la hrilh tam lohna biala thu hrilh dân tûr ruahmanna a awm chuan chu chu hrilhfiah rawh. Phêk 4-naa thu puanchhuahna chu en ang che.

10 min: Mi Dangte’n Hrilhfiah An Phût Hunah. Ministry School bu, phêk 177, paragraph 2-na aṭanga phêk 178 tâwp thleng ṭanchhana thusawi. Ring lotu pakhatin a hnathawhpui thuchhuahtu hnêna kan thurin chungchâng a zawhna lemchan tawi pakhat entîr rawh. Thuchhuahtu chuan a chhân dân tûr a ngaihtuah chu a sawi chhuak (soliloquy) a, a hnuah a zawhna hmachhawn chu a chhâng a ni.

10 min: Zawhna Bâwm. Upa kaihhruai sawihona.

10 min: Chanchin Ṭha Hrilh Dân Kawngte—In Tina Thu Hrilhna. January 2007, Kan Lalram Rawngbâwlna kârzeh, phêk 3, paragraph 3 aṭanga phêk 4 paragraph 3-naa thu awmte ṭanchhana sawihona. Hrisêl ṭha lo emaw, zakzum emaw ang chi harsatna nei chung pawha in tina thu hrilhna nei thuchhuahtu pahnih khat vêl biangbiakna nei rawh. Ṭan an lâkna chu eng anga malsâwm nge an nih?

Hla 26 leh Ṭawngṭaina

Zawhna Bâwm

◼ Bible zirpui hmasâwn tak chu engtia rei nge kan zirpui ang?

Bible zirpui hmasâwn tak chu lehkhabu pahnih—Bible Zirtîrna Dik Tak Chu Eng Nge Ni? tih leh “Keep Yourselves in God’s Love” —te a zawh thlenga zirpui chu a ṭha ber a. Zirlaiin a bu hniha a zîr zawh hmaa baptisma a chan pawhin, a zawh thlenga zirpui zawm tûr a ni a. Baptisma a chan hnuah pawh a hun te, tlawhkîr te, leh Bible zirna te chu report zawm tûr a ni. Thuchhuahtu dang kan hruai a, zirna a rawn ṭawiâwm chuan a dârkâr chu a chhiar ve thei a ni.—March 2009 Kan Lalram Rawngbâwlna, (English) phêk 2-na chu en rawh.

Mi tharte tân zirna kan tihtâwp hmaa thutaka lungphûm nghet tak neih chu a pawimawh hle. An tawh ngei tûr fiahna laka ding nghet thei tûr chuan, Kristaa “zung kai” leh ‘rinnaa nghet taka’ an awm chu a ngai a ni. (Kol. 2:6, 7; 2 Tim. 3:12; 1 Pet. 5:8, 9) Chu bâkah, mi dangte hlawhtling taka zirtîr tûr chuan ‘thutak hriatna’ dik tak an neih a ngai bawk. (1 Tim. 2:4) Lehkhabu pahnih kan zirpui zawh chuan, anni chu “nunnaa kalna kawngka” zîmah nghet taka kal tûrin kan ṭanpui a ni ang.—Mt. 7:14.

Upate chuan mi tuemaw chu baptisma chang tûra an pawm hmain, Bible zirtîrna thu bulte a hriat fiah leh fiah loh, leh chûngte mila a nun leh nun loh an fiah tûr a ni a. Upate chu lehkhabu pakhatna pawh la zir zo lote chungchâng an ngaihtuah hunah an fîmkhur lehzual tûr a ni. Tuemaw chu baptisma chang tûra a la tling hrih lo a nih chuan, upate chuan nakina a chan theih nân a mamawh ṭanpuina chu an pe ngei tûr a ni.—‘Kal Ula, Zirtîr Siamin, Baptis Rawh U,’ tih lehkhabu tê, phêk 57-60 chu en rawh.