Tlanna Vânga Lo Awm Thawhlehna

Hriatrengna chuan tlanna vânga lo awm nakin hun malsâwmna, thawhlehna ang chite ngaihtuah theihna hun remchâng min pe a. Jehova chuan mihringte hi thi tûra a siam a ni lo rêng rêng. Chuvâng chuan, kan hmangaihte thihna avânga kan lungngaihna hi thil hrehawm ber a ni. (1 Kor. 15:26) Isua chuan a zirtîrte’n Lazara an sûnzia a hmuh chuan hrehawm a ti hle a. (Joh. 11:33-35) Isua chu a Pa nihna ang chiah chiah târ langtu a nih avângin, Jehova’n kan hmangaihte thihna avânga kan lungngaihnate a hmuh hian hrehawm a ti hle ang tih kan chiang thei a ni. (Joh. 14:7) Jehova chuan a chhiahhlawhte a kaihthawh hun chu a nghâkhlel ang bawkin, keini pawhin kan nghâkhlel hle a ni.—Job. 14:14, 15.

Jehova chu buaina Pathian a nih loh avângin, thawhlehna chu felfai taka a thlen a rinawm hle a ni. (1 Kor. 14:33, 40) Vuina hun serh aiin, tho lehte lawmna hun hman a ni tawh ang. A bîk takin lusûn hun angah hian thawhlehna chungchâng chu i ngaihtuah em? (2 Kor. 4:17, 18) Tlanna min buatsaihsak avâng leh Bible aṭangin mitthite nun leh tûr thu min hriattîr avângin Jehova chungah i lâwm em?—Kol. 3:15.

• I ṭhiante leh i chhûngte zîngah tu nge hmuh leh hlân i nghahhlelh ber?

• Bible-a chuang tu ber nge hmuh leh kawm i châk?