Nî Tina Pathian Lehkha Thu Belh Chianna Chu I Hlâwkpui Em?

I thlarau lam hun duanah Nî Tina Pathian Lehkha Thu Belh Chianna lehkhabua Bible châng leh a hrilhfiahna chhiar a tel em? A tel lo a nih chuan, i teltîr thei ang em? Mi tam takin ni châng chu zîng lamah an chhiar a. Tichuan, chûng an thil chhiarte chu ni lêngin an thiltihnaah an ngaihtuah thei a ni. (Jos. 1:8; Sâm 119:97) Engtin nge ni châng ṭanchhan Bible châng chu i hlâwkpui lehzual theih ang? Bible châng hriat chian lehzual nân a chung leh a hnuai thute chhiar ang che. Bible-a thil thlengin ni chânga thu bul a târ lan dân chu hriat tum rawh. Tichuan, chu thu bul chu nunpui rawh. Pathian thu ṭanchhana thu tlûknate i siam chuan, chu chuan i nun a kaihruai ang a, i hlâwkpui ngei ang.—Sâm 119:105.

Khawvêl puma Bethel chhûngkuate chuan Nî Tina Pathian Lehkha Thu Belh Chianna chu tûkṭhuan ei pahin an chhiarho ṭhîn a. Kum rei vak lo aṭang khân, Morning Worship-a thusawite chu JW Broadcasting, PROGRAMS AND EVENTS tih hnuaiah pho chhuah a ni. Chûngte i ennawn hnuhnûn ber ṭum chu engtik khân nge? Thu ṭhenkhatte chu i mamawh tak a ni thei a. Entîr nân, Lota chunga thil thleng chuan i thu tlûkna siamte chu engtin nge a nghawng?

KHAWVEL HI HMANGAIH SUH U (1 JOH. 2:15) TIH VIDEO EN HNUAH, A HNUAIA ZAWHNATE HI CHHANG ANG CHE:

• He Morning Worship-in a ṭanchhan Bible thu bul chu eng nge ni?

• Engtin nge Lota chunga thil thleng chuan khawvêl leh a chhûnga thil awmte hmangaih a hlauhawmzia a târ lan?—Gen. 13:12; 14:12; 19:3, 12, 13, 24-26

• Khawvêl leh a chhûnga thil awmte ni lovin, Jehova kan hmangaih tih engtin nge kan târ lan theih?