Nu leh Pate U, In Fate Chu Hriatnain Thuam Rawh U

Thil ṭha lo chu thil ṭha leh thil ṭha chu thil ṭha lo anga ngaihna khawvêlah kan chêng a. (Is. 5:20) Lungchhiatthlâk takin, mi ṭhenkhat chuan neih inang inkawpna ang chi nungchang ṭha lo pawh tiamin Jehova huat zâwngte an ti a. Kan fa duh takte chu an school kalpuite leh mi dangte chuan an tih ang ti ve tûrin thlêm an tum thei a ni. Engtin nge chutiang chi thlêmnate leh thlêmna dangte chu hlawhtling taka hmachhawn thei tûrin i fate chu i buatsaih theih?

I fate chu Jehova tehnate hre tûrin thuam rawh. (Lev. 18:3) An kum leh an hriatthiamna mil zêlin zawi zawiin Bible-in mipat hmeichhiatna chungchâng a sawi chu zirtîr rawh. (Deut. 6:7) Heti hian inzâwt rawh: ‘Ka fate chu a âwm tâwka ngainatna lantîr dân hre thiam tûr te, thuam inchawih tâwk inbel a pawimawh chhan te, leh an mi mal thilte mi dangte’n an zahsak a ngai tih hre thiam tûrtein ka zirtîr em? Tuemawin ka fate chu saruak lem leh thuziakte hmuhtîr emaw, Jehova huat zâwng thilte tihtîr lo tum ta se, chhân lêt dân tûr an hria ang em?’ tiin. Hriatna nei tûra lo zirtîr lâwkna chuan chhiatna pumpelh tûrin a ṭanpui thei a ni. (Thuf. 27:12; Thur. 7:12) I fate i zirtîrna hmangin Jehova laka i rochan hlu takte i hmangaihzia i lantîr a ni ang.—Sâm 127:3

IN NGHET TAK CHU SA RAWH—‘SUAL LAKAH’ I FATE VENGHIMIN TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Engvângin nge mi ṭhenkhatin an fate mipat hmeichhiatna chungchâng zirtîr an hreh?

• 

  Engvângin nge nu leh pate’n an fate chu “Lalpa thununnaah leh zilhnaah chuan” an enkawl a ngaih?—Eph. 6:4

• 

  Nu leh pate’n an fate mipat hmeichhiatna chungchâng an zirtîrnaa ṭanpui tûrin Jehova inawpna pâwlin engte nge a pêk?—w19.05 12, bâwm

• Engvângin nge i fate chu harsatna a lo thlen hmain i titipui ziah ang?