Isua Chu Vânah A Kîr

NITE an ral zel a, Isua chu a zuitute hnenah vawi tam tak a inhmuhtir a. Vawi khat chu zirtir 500 velin amah an hmu a. An hnena a lo lanin, eng chanchin nge Isuan a sawi i hria em? Pathian ram. Ram chanchin zirtir turin Jehovan Isua chu leilungah a tir a. Mitthi zing ata kaihthawh a nih hnuah pawh, chu chu a ti zel a.

Pathian ram chu enge a nih i hre reng em? Aw, Ram chu vana Pathian awpna taktak chu a ni a, Isua chu lalber ni tura Pathian thlan chu a ni. Kan hriat tawh angin, riltamte hraiin, damlote tidamin leh mitthi meuh pawh tinung lehin mak tih thama lalber a nih turzia Isuan a tilang tawh a!

Chuvangin lalber nia vana lsuan a awp hun chuan, leilungah eng ang nge ni ang? E, leilung pum pui hi paradis mawi taka siam a ni ang. Indonate emaw, suahsualna emaw, dam lohnate emaw leh thihna meuh pawh a awm tawh lo vang. Pathianin leilung hi miten nuam an tih paradis ni tura a siam vangin chu chu a dik tih kan hria a. Chuvang chuan a tirah Eden huan a siam a ni. Tin Pathianin tih tura a duh chu a tawpah lsuan a hlen chhuak ang.

lsua vana a kir hun a lo thleng ta a. lsua chu a zirtirte hnenah ni 40 a inhmuhtir tawh a. Chuvangin a nung leh tih pawh an hre chiang a. Mahse a zirtirte a kalsan hmain anmahni a hrilh a: ‘Thlarau thianghlim in dawn hma loh chuan Jerusalem-ah awm rawh u,’ tiin. Thlarau thianghlim chu, Pathian duhzawng ti tura a zuitute puitu tur, thli tleh anga Pathian thahrui che vel chu a ni. A tawpah, lsuan: ‘Leilung hmun hla ber thlenga ka chanchin hriltu turte in ni,’ a ti a.

Isuan chu chu a sawi hnuah, thil mak tak a lo awm a. Heta i hmuh ang hian, vanah a chho tan ta a. Tin chhumin a hliah a, zirtirte chuan Isua an hmu leh tawh lo. Isua chu vanah a kal a, chuta tang chuan leilunga a amah zuitute chungah ro a rel tan ta a.