A Tâwp Thlenga Chhelin

1. Pathian Thu leh a thutiamte’n,

Min ṭanpui chhel tûrin;

Kan thu hriat leh kan pawmte chu,

Thu dik leh innghahna tlâk;

Rinna thianghlimah zung kaihin,

Pathian nî hre reng chungin;

Rinawmin ding nghet reng ang che,

Fiahna chuan min siam ṭha ang.

2. I neih hmangaihna hmasa ber,

Vêng rawh bo lo tûrin;

I nuna fiahna lo thlengte,

Chhel takin tuar chhuak ang che;

Eng ang fiahna pawh tâwk mah la,

Beidawngin tlâwm suh ang che;

Jehova’n tlân chhuahna kawng chu,

Zahngaiin a hawn ang che.

3. A tâwp thlenga chhel apiangte,

An awm ang chhandamin;

Nunna buah reh thei lovin,

An hming a chuang reng tawh ang;

Chhelna chuan thawk famkim rawh se,

A tâwp thlenga rinawmin;

Jehova duhsakna dawngin,

Hlimna famkim kan nei ang.