HLA 129
Kan Chhel Zêl Ang
1. Lal Isua sawi lâwk,
Fiahnaah kan chhel thei ang em?
Hrehawm tuar chungin,
A hmaa hlimna awm a thlîr;
Thutiam rorêlna dik,
Ngaihtuah rengna hmangin.
(THUNAWN)
Kan nei tûr a ni chhelna,
Kan hum zêl ang rinna;
A hmangaihna rinchhanin,
I chhel zawm zêl ang u, a tâwp thlengin.
2. Hun a liam zêl hian,
Hrehawm leh natna kan tuar thei;
Mittui piah lam’an,
Kan chan tûr nunna kan hmu thei;
Nun zalên nei tûr’an,
Chhel zêl i tum ang u.
(THUNAWN)
Kan nei tûr a ni chhelna,
Kan hum zêl ang rinna;
A hmangaihna rinchhanin,
I chhel zawm zêl ang u, a tâwp thlengin.
3. Kan beidawng ngai lo’ng,
Rinhlelhna neiin kan zâm lo’ng;
Rawng kan bâwl zêl ang,
Jehova nî a thlen hma zawng;
Rinawma rawngbâwlin,
Chhel zêl i tum ang u.
(THUNAWN)
Kan nei tûr a ni chhelna,
Kan hum zêl ang rinna;
A hmangaihna rinchhanin,
I chhel zawm zêl ang u, a tâwp thlengin.
(Tirh. 20:19, 20; Jak. 1:12; 1 Pet. 4:12-14 en bawk rawh.)