Please Follow Up (S-43) Form Hman Dân Tûr

He form hi in thu hrilhna biala mi ni lo tuina neite i hmuh hunah emaw, ṭawng dang hmang tuemaw i hmuh hunah emaw ziak khah tûr a ni. Tuina lantîrtu kan hmuh hunah chauh kan hmang tlângpui ṭhîn. Chutiang lova hman dân awmchhun chu kohhran hnaivaia sign language group a awm a, kan mi hmuh chu bengngawng a nih hunah chauh a ni a. Chutiang hunah chuan, tuina a lantîr emaw, lantîr lo emaw pawh ni se, S-43 form chu kan ziak khat tho tûr a ni.

Form kan ziak khah hnuah eng nge kan tih ang? Kohhrana secretary hnênah kan pe tûr a ni. Ani chuan a thawnna tûr kohhran a hriat chuan, chu mi kohhrana upate’n an lo bawhzui theih nân an hnênah a thawn ang. Thawnna tûr a hriat loh erawh chuan branch office-ah form chu a thawn ang.

Tuina nei chu ṭawng dang hmang a nih a, in thu hrilhna biala awm a nih chuan, a theih phawt chuan i awmna kohhran chhûng emaw, a hnaivai kohhran emawa a ṭawng hman hmang thiam thuchhuahtuin a va biak theih nâna ruahmanna i siam theih thlengin i tlawh chhunzawm thei ang.—November 2009, Kan Lalram Rawngbawlna, phêk 3-na chu en rawh.