Thusawi Dân Tûr Entîrna

March Thla Inrinni Hmasa Bera Bible Zirpui Neih Ṭanna Tûr

“April 14 hian thil engemaw lo thleng tûr a awm avângin rei lotê kan lo lêng a. Chu mi nî chu Isua thih champha a ni. Mi ṭhenkhat chuan a thih nî hi an ngaih pawimawh avângin hriatrengna hun serh an hmang dâwn a ni. Mi dangte erawh chuan Isua thih a pawimawhna chu an hre chiang lo. Isua thihna kan hlâwkpui dânte i ngaihtuah ngai em?” A chhânna nghâk rawh. March 1 Vênnainsâng hnung lam chu hmuh la, zawhna hmasa ber hnuaia thu awmte chu sawipuiin Bible châng pakhat tal chhiar ang che. Magazine chu pe la, a dawta zawhna sawiho leh tûrin ruahman bawk ang che.

Vênnainsâng March 1

“Mi tam tak chuan Pathianin khawvêla rorêl dik lohna leh hrehawm tawrhna titâwp tûra thil a tih loh chhan hi mak an ti a. Chu chu Pathianin min ngaihsak loh vâng nge ni a, mihringte hrehawm tawrhna hi ṭha a tih vâng zâwk, eng nge i ngaih dân? [A chhânna nghâk la. Tichuan, Johana 3:16 chhiar rawh.] Mi tam tak chuan Pathian ngaihsakna târ lan nân he Bible châng hi an sawichhuak fo ṭhîn nachûngin Pathian fapa thihna an hlâwkpui theih dân chu an hre chiang lo. He magazine hian Isua thihnain leia rorêl dik lohna leh hrehawm tawrhna a tihtâwp theih dân a târ lang a ni.”