Thusawi Dân Tûr Entîrna

Hriatrengna Sâwmna Campaign Atân

“Hun pawimawh tak tâna sâwmna kan rawn pe a. April 3-ah hian, khawvêla mi maktaduai tam takte chu Isua Krista thih Hriatrengna hmang tûrin an lo kal ang a. Chutah chuan Isua thihna kan hlâwkpui theih dân thusawi a thlâwna ngaithlâk a ni ang. He sâwmnaah hian kan inkhâwmna hmun tûr leh hun tûr chu târ lan a ni.”

Vênnainsâng March 1

“April 3 hi Isua thih champha a ni a. Mi ṭhenkhat chu a thih Hriatrengna hmang tûrin an inhmukhâwm ang. Mi dangte erawh chuan Isua thihna chu a pawimawh lo niin an hria a. Eng nge i ngaih ve dân? Isua thihna leh thawhlehna hi kan hlâwkpui theih i ring em? [A chhânna nghâk rawh.] He mi chungchângah hian Bible chuan heti hian a sawi a ni. [1 Korinth 15:22, 26 chhiar rawh.] He magazine hian Isua tlanna avângin kan thi tawh dâwn lo tih a târ lang a ni.”

Awake! March

“Awake! chhuak thar ber pe tûra lo kal ka ni a. [A kâwm chu hmuh rawh.] Mi tin hian zawhna hmasa ber: ‘Pathian a awm em?’ tih chungchângah ngaih dân hrang an nei ṭheuh va. I ngaih dânin nakin hun thlîr dân ṭha neitute chu tute nge ni ang? Pathian ringtute nge ni a, ring lotute zâwk? [A chhânna nghâk rawh.] Hetah hian mi tam takte beisei Pathian thu tiam a awm a ni. [Sâm 37:10, 11 chhiar rawh.] He magazine-ah hian Pathian a awm nge awm lo tih chhui dân kawng pali a târ lang a ni.”