Sâwmna Pawimawh Tak
1. Kum 2014-a neih tûr inkhâwmpui sâwmna campaign chu engtikah nge neih ṭan a nih ang?
1 Ṭhiante emaw, chhûngkaw emaw tâna thawhrim ngai leh sênso ṭeuh ngai chaw hlui i buatsaih a nih chuan, anmahni i sâwm lai chuan i phûr hle ngei ang. Chutiang bawkin, kum 2014-a neih tûr regional inkhâwmpui leh international inkhâwmpuia thlarau lam ruai buatsaih nân nasa taka hna thawh a ni. Inkhâwmpui kan neih hma chawlhkâr thum vêl aṭangin mi dangte lo tel ve tûra sâwm theihna chanvo hlu kan nei dâwn a. Phûr taka sâwmna sem chhuak tûrin engin nge min ṭanpui ang?
2. Engin nge campaign-a a tam thei ang bera tel tûrin min chêttîr ang?
2 Kan inkhâwmpuia Jehova thlarau lam ruai buatsaih chu a mi mala kan hlâwkpui dân tûr kan ngaihtuah chuan campaign-a a tam thei ang bera tel tûra chêttîrin kan awm ang. (Is. 65:13, 14) Kum tina kan neih campaign chuan rah ṭha a chhuah tih kan hre bawk tûr a ni. Kan mi sâwm ṭhenkhatte chuan min hmanpui ang a. Mahse, lo tel tûr chu eng zât pawh ni se, campaign neih laia taima taka kan thawhrimna chuan Jehova a chawimawiin, a thil phalna a târ lang bawk ang.—Sâm 145:3, 7; Thup. 22:17.
3. Engtin nge sâwmna chu kan sem chhuah ang?
3 Upahote chuan ina awm lote tâna sâwmna hnutchhiah tûr a nih leh nih loh emaw, bial chhûnga vântlâng thu hrilhna hmuna sem tûr a nih leh nih loh emaw pawh tiamin, kohhranin a tam thei ang bera an sem chhuah dân tûr chungchângah thutlûkna an siam tûr a ni. Chawlhkâr tâwpa sâwmna sem chhuah a nih hunah, a remchân chuan magazine-te pawh sem chhuah bawk tûr a ni. Campaign neih laia thla khat chhûnga Inrinni hmasa ber a tla zep a nih chuan Bible zirpuina neih ṭan tum aiin sâwmna sem chhuah chu ngaih pawimawh zâwk tûr a ni. Campaign a zawh hnu chuan, phûr takin sâwmna kan sem chhuak tih hriatna leh Jehova buatsaih thlarau lam ruai ṭhehnaa lo tel tûrin mi a tam thei ang berte kan sâwm tih hriatna chuan min va tihlim dâwn êm!