Thusawi Dân Tûr Entîrna

July Thla Inrinni Hmasa Bera Bible Zirpui Neih Ṭanna Tûr

“Ṭawngṭaia Pathian lam hawi châng kan nei deuh vek a. Kan ṭawngṭaina hi Pathianin engtin nge a ngaiha i rin? A ngaihlu niin nge i hriat a, a lo dawh hrâm hrâm mai zâwk?” A chhânna nghâk rawh. “He mi chungchângah hian thu ngaihvenawm tak ka hrilh thei che ang em?” In neituin rem a tih chuan July 1 chhuak Vênnainsâng hnung lam chu hmuhtîr la, zawhna hmasa ber hnuaia thu awmte chu sawipuiin, Bible châng târ lan pakhat tal chhiarpui ang che. Tichuan, magazine chu pe la, a dawta zawhna sawiho leh tûrin ruahmanna siam ang che.

Vênnainsâng July 1

“Mi tam tak chuan mi ṭhate chunga thil ṭha lo a thlen chhan chu an ngaihtuah a. Khawvêla thleng ṭhîn thil ṭha lo zawng zawngte chunga mawhphurtu chu tu nge nia i rin? [A chhânna nghâk rawh.] A mawhphurtu chu Pathian a nih leh nih loh târ langtu Bible châng pakhat ka hmuhtîr thei che ang em? [In neituin tuina a neih chuan Jakoba 1:13 chhiar rawh.] He magazine hian thil ṭha lote a thlen chhan leh suahsualna leh hrehawm tawrhna titâwp tûra Pathian thiltih tûr chu a târ lang a ni.”