Thusawi Dân Tûr Entîrna

Khawiah Nge Nuna Zawhna Pawimawh Takte Chhânna Chu Kan Hmuh Theih Ang?

In neituin a thupui a hmuh theih nân tract chu pein, heti hian sawi ang che: “Chibai. Khawvêl huapa he thuchah pawimawh tak sem chhuahna campaign-ah kan tel a. Hei hi i ta tûr a ni,” tiin.

In neitu awm lohnaah tract chu i hnutchhiah dâwn a nih chuan, mite hmuh theih loh tûrah dah la, thlep chuar vak suh ang che.

In neituin tuina a lantîr a nih chuan, a phêk hmaa duhthlan theiha siam zawhna chungchânga a ngaih dân chu i zâwt thei a. Nuna zawhnate chungchânga Bible chhânna hmuh chu i duh ang em? Chu tract-ah chuan Bible aṭanga chhânna lungawithlâk takte hmu tûra ṭanpui theitu, Web site chungchâng a chuan thu hrilh ang che. Tract chu keu la, Sâm 119:144, 160-na chu kawhhmuh rawh. Engvângin Nge Bible I Zir Ang? tih video chu i hmuhtîr thei a. I kalsan hmain, tract phêk hnung lama zawhna pathum chu kawhhmuh la, a rilru latu ber chu zâwt ang che. Chu zawhna Bible-in a chhân dân chu jw.org hmanga hmuh theih a nih dân kawhhmuh tûra tlawhkîr leh tûrin ruahmanna siam ang che. I tlawhkîr leh hunah, BIBLE ZIRTIRNATE > BIBLE ZAWHNATE CHHANNA tih hnuaia thute chu enin, a chhânna sawipui rawh.

Regional inkhâwmpui tûr atâna sâwmna in sem tel bawk dâwn a nih chuan, in neitu hnênah tract i pêk rualin sâwmna pe tel bawk la, “Lo awm tûr a thlâwna vântlâng inkhâwma lo tel tûrin kan sâwm nghâl bawk a che,” tiin sawi belh ang che.

Vênnainsâng August 1

Chawlhkâr tâwpah a remchân chuan Vênnainsâng sem chhuah nân heti hian sawi ang che: “Kan magazine chhuak tharte hi i chhiar duhzâwng a nih chuan pêk che kan duh bawk a. He Vênnainsâng hian, Pathianin a ngaihsak che em? tih zawhna hi a chhâng a ni,” tiin.