Rawngbâwlnaah Thiamna Tihmasâwn Rawh—Pathian Min Pêk Chanchin Ṭha! Tih Brochure Hmanga Kawtkaia Bible Zirna Ṭanin
A Pawimawh Chhan: Zirtîr siam tûr chuan Pathian Thu zirtîrtute kan ni tûr a ni. (Mt. 28:19, 20) Kan vai hian hmanrua kan dawnte hmangin, thutak chu thiam lehzualin kan zirtîr thei a. Pathian Min Pêk Chanchin Ṭha! tih brochure hi mi dangte thutak zirtîr tûra min ṭanpuitu atân bîka siam a ni. A nihna takah chuan, in neitu kan tlawh hmasak ber ṭumah a kawtkaia Bible zirpui ṭan nân kan hmang thei a ni.
Tûn Thla Chhûng Hian Tichhin Rawh:
Bible zirpui neih châkna ngênin ṭawngṭai rawh. Chu bâkah, Bible zirpui nei ṭan thei tûr leh thutak zirtîr thiam tak ni tûrin Jehova ṭanpuina ngên bawk rawh.—Phil. 2:13.
Chhûngkuaa Pathian Biakna in neih hunah emaw, mi mala zirna i neih hunah emaw, thusawi dân tûr zir nân hun pe ang che. Chutianga i tih chuan rin tlatna nên thu i sawi thei ang a, rawngbâwlnaah kawtkaia Bible zirna i ṭan thei ang. (Chhunzawmna p. 2 col. 2-ah)