Rawngbawlnaah Thiamna Tihmasawn Rawh—Tlawhkîr Tûra Ruahmanna Siamin

A PAWIMAWH CHHAN:

Thutak chi kan tuh chu tuia châwm kan duh a. (1 Kor. 3:6) Ngaihvenna lantîrtu tuemaw kan hmuh hian, kan tlawhkîr leh huna kan sawiho theih tûr zawhna pakhat hnutchhiah chu a ṭha a ni. Hei hian tlawhkîr leh hun chu a nghahhlelhtîrin tlawhkîr tûra kan inbuatsaihna chu a tiawlsam dâwn a ni. Kan va tlawh leh hunah chuan, kan tlawh hmasak ṭuma zawhna kan hnutchhiah chhâng tûra kal kan nih thu kan sawi thei ang.

A TIH DAN TUR:

• In tin kalnaa thusawi dân tûr i inbuatsaih hunah, tlawhleh huna chhân tûr zawhna pawh inbuatsaih tel bawk ang che. I zawhna hnutchhiah chhânna chu thu leh hla i pêk chhuah tûrah a chuang pawh a ni thei ang a. A nih loh leh, i va tlawh leh huna hmêlhriattîr i tum zirna lehkhabua zawhna pakhat a ni thei bawk ang.

• Ngaihvenna lantîrtu nêna sawihona i tihtâwp hunah, hetianga sawihona neih leh i duh thu chu hriattîr la, i inbuatsaih lâwk zawhna chu hrilh bawk ang che. A theih chuan biak pawh theihna tûr address leh phone number ang chite chu la ang che.

• Tlawhkîr leh tûra hun i intiam chuan a hun takah thleng ang che.—Mt 5:37.