Jehova Hmangaihtute Chu Kâwm Rawh

Engvângin nge Jehova hmangaihtute chu kan kawm ang? Kan ṭhian kawmte chuan a ṭha zâwngin emaw, ṭha lo zâwngin emaw min thunun vâng a ni. (Thuf. 13:20) Entîr nân, Lal Joasa chuan Puithiam Lal Jehoiada a kawm chhûng chu “LALPA mithmuhin thil ṭha” a ti a. (2 Chro. 24:2) Jehoiada a thih hnuah, Joasa chuan ṭhian ṭha lote a kawm avângin Jehova a kalsan a ni.—2 Chro. 24:17-19.

C.E. kum zabi khatnaah khân, tirhkoh Paula chuan Kristian kohhran chu ‘in ropui’ nên a tehkhin a, kohhrana mite chu “bungbêl,” a nih loh leh in chhûnga bungruate nên a tehkhin a ni. Jehova tilâwm lo thilte titu chu kan chhûngte a ni emaw, kohhran chhûnga mi a ni emaw pawh ni se, anmahni kan kawm tam loh chuan ‘bungbêl hman tlâk’ ang kan ni reng thei ang. (2 Tim. 2:20, 21) Chuvângin, Jehova hmangaihtute leh a rawng bâwl tûra min fuihtute chu ṭhianah i siam zêl ang u.

ṬHIAN SUALTE HNAWL DAN ZIR RAWH TIH VIDEO I EN HNUAH, A HNUAIA ZAWHNATE HI CHHANG ANG CHE:

• Ṭhian sualte kan kawm theih dân kawng ṭhenkhat chu eng nge ni?

• Kan en tâk chanchawp video-ah hian Kristian pathumte chu ṭhian sualte kawm bânsan tûrin engin nge ṭanpui?

• Eng Bible thu bulte’n nge fing taka ṭhian thlang tûrin ṭanpui thei che?