Jehova Chuan Mi Thianghlimte A Hmangaih

“I kut sil rawh. I room tifai rawh. Hmun phiat rawh. Bawlhhlawh va paih rawh.” Nu leh pa tam tak chuan an fate chu tisa lama thianghlim reng tûrin an zirtîr a. Mahse, thianghlimna thu bulte chu kan Pathian thianghlim hnên aṭanga lo chhuak a ni. (Ex. 30:17-20; Deut. 23:14; 2 Kor. 7:1) Kan taksa leh kan thil neihte kan vawn thianghlim hian Jehova kan chawimawi a. (1 Pet. 1:14-16) Kan in leh a chhehvêl chungchâng hi eng nge ni? Kal kawng leh park-a bawlhhlawh paih mai mai ṭhînte ang lo takin, Kristiante chuan an chênna leilung chu thianghlim taka a awm theih nân theih tâwp an chhuah a ni. (Sâm 115:16; Thup. 11:18) Thil tê thamtê anga lang kan thil eiinna kâwr leh bûr ruak te, leh ṭhelrêt te kan paih dân chuan thianghlimna chungchânga kan rilru put hmang a târ lang thei a. Kan nun kawng tinrêngah ‘Pathian rawngbâwltute angin mi mit tlunga’ awm kan duh a ni.—2 Kor. 6:3, 4.

PATHIANIN MI THIANGHLIMTE A HMANGAIH TIH VIDEO EN HNUAH, A HNUAIA ZAWHNATE HI CHHANG ANG CHE:

• Mi ṭhenkhat chuan an thil neihte an vawn thianghlim loh avângin eng chhuanlamte nge an siam?

• Engtin nge Mosia Dân chuan thianghlimna chungchânga Jehova thlîr dân a târ lan?

• Engtin nge ngawi rengin Jehova kan chawimawi theih?