Pioneer Thawkin Jehova Chawimawi Rawh

Israel mite chuan Jehova chawimawina tûr chhan ṭha tak an nei a. Ani chuan Aigupta ram aṭangin a hruai chhuak a, Pharaoa sipaite kut aṭangin a chhan chhuak! (Ex. 15:1, 2) Jehova chuan a mite chungah ṭhatna a lantîr chhunzawm zêl a ni. Engtin nge kan lâwmzia kan lantîr ve theih ang?—Sâm 116:12.

Kawng khat chu auxiliary emaw, regular pioneer emaw thawhna hmangin a ni. Pioneer thawh châkna nei tûr leh thawk thei tûrin i ṭawngṭai thei. (Phil. 2:13) Mi tam tak chuan auxiliary pioneer an thawk hmasa a. March leh April thla leh bial kan thlaah dârkâr 30 emaw, 50 emawa thawh chu i thlang mai thei bawk. Auxiliary pioneer thawh a hlimawmna i tem chhin hnuah, regular pioneer thawk thei tûra hma lâk chu i duh ngei ang. Hun kima hnathawh nei leh hrisêlna ṭha lo mi ṭhenkhat pawhin regular pioneer an thawk thei a ni. (mwb16.07 8) Jehova chuan theih tâwp chhuaha kan fak leh chawimawi a va phû êm!—1 Chro. 16:25.

MONGOLIA RAMA UNAU THUMTE TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Pioneer thawk tûrin unau thumte’n eng harsatnate nge an paltlang?

• 

  Eng malsâwmnate nge an dawn?

• 

  Regular pioneer an thawh avângin Jehova rawngbâwl theihna hun remchâng dang engte nge an neih?

• 

  An entawn tûr siam chuan mi dangte chungah eng nghawng nge a neih?