Jehova Thununna Thlâwpin Hmangaihna Kan Lantîr

Hnawhchhuahna chuan kohhran chu a vênghimin, inchhîrna nei lo thil sual titu chu a thunun a. (1 Kor. 5:6, 11) Jehova hnên aṭanga lo kal chutiang thununna kan thlâwp chuan hmangaihna kan lantîr a ni. Mahse, hnawhchhuahna chuan an chhûngte leh judicial committee-a telte rilru natna a thlen si chuan, chu chu engtin nge hmangaihna lantîrna a nih theih?

Eng dang zawng aiin, Jehova hming ṭhatna leh a tehna thianghlim chungah hmangaihna kan lantîr a. (1 Pet. 1:14-16) Hnawh chhuah tâwk chungah pawh hmangaihna kan lantîr bawk. Zilhna khauh tak chuan mi tina mah se, “rah thlamuan awm tak, felna rah chu” a chhuahsak thei a ni. (Heb. 12:5, 6, 11) Hnawhchhuah tuemaw a nih loh leh, kawm serh tuemaw chu kan kâwm a nih chuan, Jehova thununna kan tihnêpsak tihna a ni ang. Jehova’n a mite chu “a tâwk lekin” a thunun ṭhîn tih hre reng ang che. (Jer. 30:11) Jehova thununna thlâwp a, thlarau lam hun duan ṭha nei zawm zêlin, hnawh chhuah tâwktu chu zahngaihnaa khat kan Pa hnêna a lo kîr leh kan beisei reng a ni.—Is. 1:16-18; 55:7.

THINLUNG SAKHAT PUIN RINAWMNA VAWNG RAWH, TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• 

  Kristian nu leh pate chuan an fain Jehova a kalsan hian, engtin nge an tawrh?

• 

  Engtin nge kohhran chuan rinawm taka awm a chhûngte chu an ṭanpui theih?

• 

  Eng Bible thuin nge chhûngte chunga rinawm aiin, Jehova chunga rinawm a pawimawh zâwk tih târ lang?

• 

  Engtin nge kan chhûngte aiin Jehova chungah kan rinawm zâwk theih?