Thununna—Jehova Hmangaihna Târ Lanna

Thununna chu kaihhruaina leh zirtîrna a ni tlângpui ṭhîn a; mahse, siam ṭhatna leh hremna a ni tel bawk. Jehova chuan a pawm zâwnga amah kan biak theih nân min thunun a. (Rom 12:1; Heb. 12:10, 11) A châng chuan thununna hi a na thei a; mahse, felna leh malsâwmna a rah chhuak ṭhîn. (Thuf. 10:7) Thununna petute leh a dawngtute chuan an rilruah eng nge an dah reng ngai?

A petu. Upa te, nu leh pa te, leh mi dangte chuan Jehova tih dân angin ngilneihna leh hmangaihna nên thununna pêk an tum hrâm ṭhîn a. (Jer. 46:28) A ṭûl avânga thununna khauh tak pêk a ngaih hunah pawh hmangaihnaa chêttîr a ni tûr a ni.—Tit. 1:13, 14.

A dawngtu. Eng ang thununna pawh ni se, kan hnâwl lo vang a, kan nunpui nghâl tûr a ni. (Thuf. 3:11, 12) Mihring ṭha famkim lo kan nih angin kawng hrang hrangin thununna kan mamawh ṭheuh va. Kan Bible chhiar, a nih loh leh kohhran inkhâwma kan thu ngaihthlâk aṭangin thununna kan dawng thei a ni. A nih loh leh, mi ṭhenkhat chuan judicial committee hnên aṭanga thununna an dawn a ngaih châng a awm thei. Thununna pawmna chuan a tâwpah nunna kawngah min hruai ang.—Thuf. 10:17.

“LALPA CHUAN A HMANGAIH CHU A THUNUN ṬHIN” TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Engtin nge Canon-a nun chu a inṭan a, a hnuah engtin nge a inthlâk?

• 

  Eng thununna duhawm tak nge Jehova hnên aṭangin a dawn?

• 

  A thiltawn chuan eng nge min zirtîr?