“Krista hmangaihna chuan min tîr lui a ni.”—2 Kor. 5:14
KRISTIANTE ANGIN NUNG RAWH
March, a nih loh leh April Thla Chhûngin Auxiliary Pioneer I Thawk Ang Em?
Hriatrengna hun chhûngin Jehova rawngbâwlnaah tam lehzuala thawh i duh ang em? (2 Kor. 5:14, 15) March leh April thla chhûnga auxiliary pioneer thawkte chuan dârkâr 30 emaw, 50 emaw hmua thawh an thlang thei ang. He thiltih pawimawh taka i tel thei dâwn a nih chuan kohhran Service Committee hnênah dîlna form theh lût ang che. Thla tina auxiliary pioneer thawk tûra tlingte hming chu kohhranah puan a ni ang. Hetiang kawng hian kohhrana mite chuan pioneer-te chu rawngbâwlnaah an ṭanpui thei dâwn a ni. Hriatrengna hun chhûng hian rawngbâwlnaa kan thiamna tihmasâwn tûr leh intichak tawn lehzual tûra hun remchâng kan neih chu i hmang ṭangkai ṭheuh vang u.—1 Thes. 5:11.