Tûn Laiah Khawiah Nge Kaihhruaina Rin Tlâk I Hmuh Theih Ang?

He khawvêl inthlâk danglam chak takah hian, engtin nge i duhthlanna siamte chu i hlâwkpui ngei ang tih i chian theih? Tûna dik nia i hriat chu a dik reng ang tih engtin nge i chian theih?

Bible chuan i inchhîr ngai loh tûr duhthlanna siam tûrin a ṭanpui thei che a ni. Engtin nge? Bible chu min Siamtu hnên aṭanga lo kal a ni a, ani chuan hlimna leh thlamuanna dik tak kan neih theih dân a hria a ni.

“[Pathianin] ṭha chu a entîr tawh che a ni.”—Mika 6:8.

Bible-a chuang finna chu kan rinchhan reng thei a. Chu chu “kumkhaw tlaitluan atân tihnghehin a awm” a ni.—Sâm 111:8.

He khawvêl inthlâk danglam rengah hian Bible-in a ṭanpui theih dân che chu engvângin nge nangmah ngeiin i zir chian loh vang?