Mi Dangte Hrilh Tûra Zir

Bible zirna chuan min ti harhvâng a. Min ti chaktu thlarau lam lunghlu kan chhar chhuahte mi dangte hnêna hrilhna chuan min ti harhvâng lehzual a ni. Chuvângin, Thufingte 11:25 chuan: “Tui leih ṭhîntu chuan mahni pawh a inleih a ni,” tiin a sawi.

Kan thu zirte mi dangte hnêna kan hrilh hian, a thu pawimawh laite chhinchhiah a awlsam lehzualin kan hriatthiamna pawh a nghet lehzual a. Chu bâkah, chûng kan thu zirte chuan mi dangte hlâwkna a thlen theih avângin, chutianga hrilh chu nuam kan ti a ni.—Tirh. 20:35.

Heti hian ti chhin rawh: Kâr leh chhûngin, tu emaw hnêna i thu zirte hrilh theihna hun remchâng zawng la. I chhûngkuaa tu emaw, i kohhrana tu emaw, i hnathawhpui, i school kalpui, i ṭhenawm a nih loh leh, rawngbâwlnaa i tawh tu emaw hnênah i hrilh thei a ni. Mahni irâwm chhuak ngeiin fel fai leh fiah taka hrilh tum ang che.

Hre reng rawh: I thu zirte chu mi dangte ngaihsân hlawh duh vâng ni lovin, anmahni ti chak tûr zâwkin hrilh ang che.—1 Kor. 8:1.