Mi Mala Thu Hrilhna Bial Neih Chu I Hlâwkpui Ang Em?

1. Mi mal thu hrilhna bial chu eng nge ni?

¹ Mi mal thu hrilhna bial chu eng nge ni? Thu hrilhna bial zau tak nei kohhranahte chuan hmuh theih a ni a, chu chu i ta liau liau a ni a, i chênna hmun hnaih pawh a ni thei a ni. The Organized (English) lehkhabu phek 103-na chuan heti hian a sawi a ni: “Hmun remchâng lai taka mi mal thu hrilhna bial neihna chuan, thlawhhma rawngbâwlna atâna i hun pêk theih chu a hman pumhlûmtîr thei ang che. Tin, i mi mal thu hrilhna biala thawhpui tûr chein thuchhuahtu dangte pawh i sâwm thei bawk a ni,” tiin.

2. Engtin nge a huhova thu hrilhna belhchhah nân mi mal thu hrilhna bial kan hman theih?

² A Huhova Thu Hrilhna Belhchhah Nân: I hna thawhna kiangah thu hrilhna bial i neih chuan chhûn chawlh hun emaw, ina i hawn hma emaw chuan thu i hril thei a, a bul hnaia hna thawk thuchhuahtu dang nên pawh in thawk dûn thei ang. In in bul hnaia thu hrilhna bial i neih chuan nang leh i chhûngte tân tlai lama thu hrilh nân i hmang thei bawk ang. Thlawhhma rawngbâwlna atâna inkhâwmnaah i tel thei lo a nih chuan, thu i hrilh ṭan hmaa Jehova kaihhruaina dîla ṭawngṭai chu thil inâwm tak a ni. (Phil. 4:6) Chu bâkah, mi mal thu hrilhna biala i thawh hun leh kohhrana a huhova thu hril tûra ruahmanna i thlâwp hun chu a inbûk tâwk tûr a ni. A bîk takin, chawlhkâr tâwpa rawngbâwla chhuak tûra unau tam tak an kalkhâwm hunah chuan, i awmna field service group thlâwp chu a ṭha ber a ni.

3. Mi mal thu hrilhna bial neih a hlâwknate chu eng nge ni?

³ A Hlâwknate: Mi mala thu hrilhna bial i neih chuan i hman apianga thu hrilhna tûr hmun i nei tihna a ni a. Thu hrilh nân hun i pe tam lehzual theiin, thu hrilhna bial pan nân hun i hmang tlêm ang. Hei hian mi ṭhenkhat chu auxiliary pioneer emaw, regular pioneer emaw a thawhtîr thei a ni. Tuina lantîr in neitute chu ṭhenawm hnaia awm an nih avângin, tlawhkîr leh Bible zirna neih a awlsam bawk. Mi tam tak chuan mi mal thu hrilhna biala rawngbâwlnain in neitute nêna inhmêlhriat tûr leh an rin kai tûrin a ṭanpui tih an hria a; a bîk takin thuchhuahtu dangin an thawh theih nâna thu hrilhna bial pêk leh hmaa vawi khat aia tam an thawh hman hian a ni lehzual a ni. Mi mal thu hrilhna biala rawngbâwlna chuan nang leh i chhûngte chu rawngbâwlna hlen lehzual tûrin a ṭanpui che ang em?—2 Tim. 4:5.