Isua Chu Tu Nge A Nih?

Jehova chuan Isua chu leiah a rawn tîr. 1 Johana 4:9

Pathian Jehova tihlâwm kan duh chuan mi pawimawh tak dang pakhat tuemaw thu kan ngaihthlâk a ngai a. Jehova chuan Adama a siam hma daih khân vânah thlarau thiltithei tak pakhat a lo siam tawh a ni.

A hnuah, Pathian Jehova chuan chu thlarau thiltithei tak chu nula thianghlim Mari’n Bethlehem-a a hrin atân a rawn tîr a. Chu naupang hmingah chuan Isua an sa a ni.—Johana 6:38.

Leia a awm lai khân, Isua chuan Pathian miziate chu famkim takin a lantîr a. Ani chu ngilnei tak, hmangaihna ngah, leh pan nuam tak a ni. Mi dangte hnênah Jehova chungchâng thutak huaisen takin a zirtîr ṭhîn.

Isua’n thil ṭha ti mah se, huat a hlawh. 1 Petera 2:21-24

An zirtîrna dik lo leh an kawng sualte a hailan avângin sakhaw hruaitute chuan Isua chu an hua a.

Isua chuan dam lote a tidamin, mitthi tawh ṭhenkhat pawh a kaitho bawk.

Sakhaw hruaitute chuan Rom mite chu Isua sawisa a, that tûrin an hmin a ni.