ZIRLAI 6

Bible Châng Hman Chhan Hrilhfiah

Johana 10:33-36

KHAIKHAWMNA: Bible châng pakhat i chhiar hnuah thu dangah pakai nghâl suh. Ngaithlatute chu i Bible châng chhiar leh i târ lan duh thute inzawm dân chiang takin hriattîr rawh.

A TIH DAN TUR:

Ṭawngkam pawimawh laite la chhuak rawh. Bible châng i chhiar zawhah, i thusawia a pawimawh laite nêna inkungkaih bîkna nei ṭawngkamte târ lang rawh. Chu chu a ṭawngkam sawi nawnin emaw, ngaithlatute chu ṭawngkam pawimawhte hre hrang tûra zawhnate zâwtin emaw i ti thei a ni.

Bible chângin a sawi tum tak târ lan nâna ṭawngkam dang i hmang a nih chuan, Bible ṭawngkam leh i thusawia pawimawh laite inzawm dân chu ngaithlatute’n an hre thiam tih chian ang che.
A thu pawimawh laite chu sawi uar rawh. Chhan ṭha tak neia Bible châng i chhiar tûr i hmêlhriattîr a nih chuan, i chhiar chhan leh chuta ṭawngkam hmante a inzawm dân chu hrilhfiah rawh.

Bible châng i hrilhfiah laiin i Bible chu khup rih suh. Chu chuan ngaithlatute chu i thusawi leh i Bible châng chhiar thlun zawm tûrin a ṭanpui ang.
Bible châng i hman chhan chu hriat awlsam takin sawi rawh. A thu pawimawh lai nêna inkungkaihna nei lo thu pawimawh lote chu chipchiar takin sawi suh. Ngaithlatute’n i thu khel lai an hriat tawh chin azirin, i thusawia a pawimawhna laite an hriatthiam nân sawi chin tûr insiam rawh.