ZIRLAI 34
Jehova Kan Hmangaihna Engtin Nge Kan Lantîr Theih?
Bible i zir ṭan aṭangin Pathian hnaih lehzualin i inhria em? Amah nêna in inṭhianna chu tihngheh zawm zêl i duh em? I duh a nih chuan, hei hi hre reng rawh; amah i hmangaihna a ṭhang chho a hmuh nasat poh leh a hmangaihin a ngaihsak lehzual sauh vang che, tih hi. Engtin nge amah i hmangaihna i lantîr theih?
1. Engtin nge Jehova kan hmangaihna kan lantîr theih?
Jehova kan hmangaihna chu a thu âwihin kan lantîr a. (1 Johana 5:3 chhiar rawh.) Ani chuan a thu âwih tûrin tumah min tilui lo. Chu aiin, a thu kan âwih dâwn leh dâwn lovah duhthlan theihna min pe ṭheuh a ni. Engvângin nge? Jehova chuan ‘rilru tak zeta’ a thu âwih tûrin min duh a. (Rom 6:17, 18) Thu danga sawi chuan ani chuan tih tûr a nih vâng ni lovin, amah i hmangaih avânga a thu âwih tûrin a duh che a ni. He lehkhabua Ṭhen 3-na leh 4-na hi Jehova tilâwmtu thilte tihna leh amah tilâwm lotu thilte pumpelhna hmanga amah i hmangaihzia lantîr tûra ṭanpuitu che atâna siam a ni.
2. Engvângin nge Jehova kan hmangaihna lantîr chu a harsat theih?
“Mi fel hrehawmnate chu a tam.” (Sâm 34:19) Kan za hian kan ṭhat famkim lohna kan do ṭheuh va. Chu bâkah, eizawnna lama harsatna te, rorêlna dik lo te, leh harsatna dangte kan hmachhawn ve bawk. Harsatnate kan hmachhawn hian Jehova’n titûra min duhte tih chu harsa kan ti thei a.Kawng dik lo zawh chu a awlsam zâwk vâng a ni. Mahse, Jehova thu rinawm taka i zawm hian, tu dang zawng aiin amah i hmangaih zâwk tih i târ langin, a chungah i rinawm tih i finfiah bawk. Chutianga i tih avângin ani pawh i chungah a rinawm ang a, engtikah mah a kalsan ngai lo vang che.—Sâm 4:3 chhiar rawh.
ZIR BELHIN HMUH BELH RAWH
Jehova tân i thuâwihna a pawimawh chhan bih chiang la, a chunga rinawm reng tûra ṭanpui theitu che zir ang che.
3. I tel vena thu buai
Bible-a Joba bu târ lan angin, Setana chuan Joba chungah chauh ni lovin, Jehova rawng bâwl duh zawng zawngte chu chungah puhna a siam a ni. Joba 1:1, 6–2:10 chhiarin, hêng zawhnate hi sawiho vang che u:
Setana sawi dân chuan, Joba’n Jehova thu a âwih chhan chu eng nge ni?—Joba 1:9-11 en rawh.
Setana chuan nang pawh tiamin mi zawng zawngte chungah eng puhna nge a siam?—Joba 2:4 en rawh.
Joba 27:5b chhiar la, he zawhna hi sawiho vang che u:
Engtin nge Joba chuan Jehova a hmangaih tak zet tih a finfiah?
Joba chuan Jehova a hmangaihna chu a chunga rinawm rengna hmangin a lantîr
Jehova kan hmangaihna chu a chunga rinawm rengna hmangin kan lantîr
4. Jehova thinlung tilâwm rawh
Thufingte 27:11 chhiarin, hêng zawhnate hi sawiho vang che u:
Fing taka awma a thu i âwih hian Jehova chu engtin nge a awm? Engvângin nge?
5. Jehova chungah i rinawm thei
Jehova kan hmangaihna chuan mi dangte hnêna a chanchin hrilh tûrin min chêttîr a. A chunga kan rinawmna chuan a harsat hunah pawh chutianga ti tûr chuan min chêttîr a ni. VIDEO chu chhuah la, a hnuaia zawhnate hi sawiho vang che u.
Jehova chungchâng mi dangte hnêna hrilh chu harsa i ti tawh ngai em?
Video-ah khân Grayson-a chu a hlauhna hneh tûrin engin nge ṭanpui?
Jehova hmangaihte kan hmangaih a, a thil huatte kan huat hian a chunga rinawm chu a awlsam lehzual a ni. Sâm 97:10 chhiarin, hêng zawhnate hi sawiho vang che u:
I thu zir tawhte ṭanchhanin Jehova hmangaih thil ṭhenkhat chu engte nge ni? A thil huat zâwng ṭhenkhat chu engte nge ni?
Engtin nge thil ṭha hmangaih dân leh thil ṭha lo huat dân i zir theih ang?
6. Jehova thuâwihna kan hlâwkpui
Jehova thuâwih chu a ṭha ber fo ṭhîn. Isaia 48:17, 18 chhiarin, hêng zawhnate hi sawiho vang che u:
Jehova’n kan tâna ṭha ber tûr a hre reng tih kan ring thei em? Engvângin nge?
Engtin nge Bible leh Pathian dik Jehova chungchâng i zirte chu i hlâwkpui tawh?
MI ṬHENKHAT SAWI DAN: “Ka thiltihte Pathian tân a pawimawh tak tak lo.”
Kan thiltihte’n Jehova chungah nghawng a nei tih târ langtu eng Bible châng nge i hman theih?
KHAIKHAWMNA
Jehova i hmangaihna chu harsatna tâwk chung pawha a thu âwih rengin leh a chunga rinawm rengin i lantîr thei.
Ennawnna
Joba thiltawn aṭangin eng nge i zir?
Engtin nge Jehova i hmangaihna i târ lan ang?
Engin nge Jehova chunga rinawm reng tûrin ṭanpui ang che?
HRIAT BELH NAN
Jehova leh kohhran chunga i rinawm theih dân hmu ang che.
“Mi Khawngaih Thei Tak Lakah Chuan Khawngaih Thei Takin I Intilang Ang” (16:49)
Setana’n mihringte a puhna chungchâng zir belh rawh.
“Joba’n A Rinawmna A Vawng” (Bible—Eng Thuchah Nge A Ken? ṭhen 6)
Naupangte pawhin Jehova an hmangaihna an lantîr theih dân ngaihtuah rawh.
Engtin nge ṭhalai dangte nêksâwrna tâwktu chu Pathian chunga a rinawm reng theih?