Apah Manfaadḍâ Kamatèanna Nabi Isa Ghâbây Manossa?

Nabi Isa matè sopajâ manossa bisa oḍi’ sè langgeng. Yahya 3:16

Tello’ arè saellana Nabi Isa matè, bâḍâ rèd-morèd binè’ân ḍâtâng ka kabhurânna, bân ajelling jhâ’ kabhurânna la kosong. Nabi Isa la èpaoḍi’ polè kalabân Allah Yèhuwa.

È buḍi arè nabi Isa ḍâtâng nemoè rèd-morèdḍâ.

Allah Yèhuwa maoḍi’ polè Nabi Isa ghâbây oḍi’ è sowarghâ dhâdḍi ènga’ malaèkat sè kowat bân ta’ bisa matè. È bâkto ongghâ ka sowarghâ, rèd-morèdḍâ ngatèlaè.

Gustè Allah maoḍi’ polè Nabi Isa bân èpadhâdḍi Rato è Karajaan Allah. Daniyèl 7:13, 14

Nabi Isa matè ghâbây nebbhus dhusana manossa. (Matiyus 20:28) Lèbat tebbhusân jiâh, Allah mokka’ jhâlân ghâbây manossa oḍi’ sè langgeng.

Nabi Isa è tojhuk Allah Yèhuwa dhâdḍi Rato mamarèntah bhumè. Bâḍâ 144.000 orèng sè la èpaoḍi’ polè ḍâri bhumè ghâbây odi’ è sowarghâ. Rèng-orèng jarèya noro’ marèntah bâreng Nabi Isa. Pamarèntahan jiâh èsebbhut Karajaan Allah.​—Wahyu 14:1-3.

Karajaan Allah bâkal madhâdḍiyâ bhumè jiâh Firdaus. Taḍâ’ polè perrang, kamèskènan bân kalaparan. Manossa bâkal cè’ sennângnga.​—Jabur 145:16.