PANGAJHÂRÂN 6

Apah Arâbbhân kaangghuy Orèng Matè?

1. Apah kabhâr beccèʼ tentang kamatèan?

The resurrected Lazarus is welcomed back by his sisters Martha and Mary

Èbâkto Nabi Isa bâdâ neng bhumè, sahabaddhâ sè anyama Lazarus matè. Bâkto Nabi Isa dhâtâng ka romana, Lazarus la matè ollè paʼ arè. Nabi Isa, Marta, bân Mariya, trètanna Lazarus nèngghu ka kobhurânna. Taʼ abid dâri jârèya rèng-orèng akompol kèya. Bâʼbisaah Sampèyan bayangaghi pèragghâ Marta bân Mariya bâkto Nabi Isa maodiʼ Lazarus polè?—Bâca Yahya 11:21-24, 38-44.

Marta tao kabhâr beccèʼ tentang orèng matè. Marta tao jhâʼ Allah Yèhuwa bâkal maodiʼâ orèng matè neng bhumè.—Bâca Ayyub 14:14, 15.

2. Dâʼremmah kabâdâân orèng matè?

Adam’s creation, and later his death — Gustè Allah adhâbu ka Adam, ”Bâʼna asalla dâri tana dâddhi kodhu abâli dâddhi tana.”—KADHÂDDHIYÂN 3:19.

Manossa ècèptaʼaghi dâri tana. (Kadhâddhiyân 2:7; 3:19) Manossa bânnè dâri roh bân bâdhân, dâddhi bâkto matè tadâʼ roh otabâ sabhârâng sè ghiʼ odiʼ. Otâgghâ matè kèya bân tadâʼ sè èkèngaʼè. Mangkana, Lazarus taʼ acarèta apah sè èalamè bâkto matè, polana taʼ tao pah-apah.—Bâca Jabur 146:4; Pangkhotbah 9:5, 6, 10.

Apah Allah Yèhuwa nyèksa orèng matè dâlâm apoy naraka? Kètab Soccè ngocaʼ jhâʼ orèng matè taʼ tao pah-apah, dâddhi pangajhârân naraka taʼ bendhâr bân afitnah Gustè Allah. Polana Gustè Allah bâjhiʼ parkara rèya bân taʼ toman andiʼ pèkkèran rèya.—Bâca Yeremia 7:31.

Tèngghu the video Dâʼremmah Kabâdâân Orèng Matè?

3. Bâʼbisaah orèng matè acaca ka sè odiʼ?

Orèng matè taʼ bisa acaca otabâ ngèding. (Jabur 115:17) Tapè, bâdâ kad-malaikad sè jahat nyamar dâddhi orèng sè la matè lajhu acaca biʼ rèng-orèng. (2 Petrus 2:4) Allah Yèhuwa alarang kaulâ sadhâjâ acaca kalabân orèng matè.—Bâca Olangan 18:10, 11.

4. Sapah sè èpaodiʼâ polè?

A man who was resurrected back to life in Paradise learns about God. Then the man helps teach others who are resurrected.

Bânnyaʼ sè la matè bâkal èpaodiʼâ polè neng bhumè. Tamasok rèng-orèng sè taʼ kennal ka Allah Yèhuwa bân sè toman ngalakonè hal-hal sè jhubâʼ bâkal èpaodiʼâ polè.—Bâca Lukas 23:43; Carètana Para Rasul 24:15.

Rèng-orèng sè la èpaodiʼ polè, ollè kasempaddhân kaangghuy ajhâr tentang Allah Yèhuwa bân andiʼ iman ka Nabi Isa kalabân naadhina. (Wahyu 20:11-13) Rèng-orèng sè èpaodiʼ polè bân naadhi Gustè Allah bâkal odiʼ salanjhângnga neng bhumè.—Bâca Yahya 5:28, 29.

5. Polana maodiʼ polè orèng matè kaulâ bisa ajhâr sifaddhâ Allah Yèhuwa sè dimmah?

Orèng matè andiʼ arâbbhân kaangghuy odiʼ polè polana Allah Yèhuwa ngotos Nabi Isa kaangghuy nebbhus dhusa manossa. Dâddhi, kalabân maodiʼ polè orèng matè, kaulâ bisa ngarassaʼaghi jhâʼ Allah Yèhuwa beccèʼ bân tarèsna ka manossa. Bâkto bâdâ orèng matè èpaodiʼ polè, Sampèyan terro tatemmoah biʼ sapah?—Bâca Yahya 3:16; Roma 6:23.

Ghâbây katerrangan salanjuddhâ, tèngghu bab 6, 7 bân 10 buku Apa yang Bisa Kita Pelajari dari Alkitab?