¿Tiquʼn in nok tqʼoʼna toklen kʼulbʼil axix tok?

Aju twitzikʼ Ezequiel ok tiʼj tja Dios, onin kyiʼj aj Judiy i eʼx qʼiʼn pres tuʼnju xi ttziyen kye qa oktoq ktel juntl maj kʼulbʼil axix tok. Toj mankbʼil tqʼijlalil jaʼlo, aju kʼulbʼil axix tok «maʼxix toklen», ex o qo jax twi witz lu junx kyukʼil xjal te tkyaqil tnam (Isa 2:2). ¿Naqʼli teya tuʼn t-ximana tiʼj qoklen at tuʼnju sok qojtzqiʼn Jehová ex tuʼn qajbʼen te?

¿ALKYEQE KʼIWLABʼIL IN CHE TZAJ QKʼAMOʼN NOQ TUʼN KʼULBʼIL AXIX TOK?

• 

  At nim xnaqʼtzbʼil o tzʼel qnikʼ tiʼj toj Tyol Dios aju in tzaj tqʼoʼn tzaqʼwebʼil kyiʼj qxjel mas nim kyoklen toj qanqʼibʼil. Ax ikx in tzaj tqʼoʼn tbʼanel nabʼil qe ex axix tok qʼuqbʼil qkʼuʼj (Isa 48:17, 18; 65:13; Ro 15:4).

• Aʼye qerman twitz tkyaqil Txʼotxʼ aju kʼujlaʼn qoʼ kyuʼn (Sl 133:1; Jn 13:35).

• Aju qoklen tuʼn qonin tukʼil Dios tiʼj jun aqʼuntl in tzaj tqʼoʼn tzalajbʼil qe (Hch 20:35; 1Co 3:9).

• Aj tqeʼ qkʼuʼj tuʼn Dios, in tzaj tqʼoʼn qipumal aj ttzaj nya bʼaʼn qiʼj (Flp 4:6, 7).

• Jun qnabʼil saqxix (2Ti 1:3, ATM).

• Jun tbʼanel qamiwbʼil tukʼil Jehová (Sl 25:14).

¿Tzeʼn jaku kubʼ nyekʼine qa nim toklen kʼulbʼil axix tok te weye?