Uʼj te aqʼuntl toj chmabʼil (2025) | julio

28 TE JULIO A 3 TE AGOSTO

PROVERBIOS 24

Bʼitz 38 ex naʼj Dios | Qe yol tuʼn t-xi tzyet (1 min.)

QE QʼINUMABʼIL TOJ TYOL DIOS

1. Chʼiysama qʼuqbʼil tkʼuʼja tuʼn tikʼx nya bʼaʼn tuʼna

(10 min.)

Tbʼanel tuʼn tchʼiy tojtzqibʼila tiʼj Biblia tuʼntzun tten tnabʼila (Pr 24:5; w23.07 pág. 17 párr. 15).

Qa in tzaj bʼaj tkʼuʼja, kukx naʼna Dios, uʼjina tiʼj Biblia ex txiʼya kyoj chmabʼil (Pr 24:10; w21.02 pág. 30 ex 31 párr. 17 a 19).

Qa ma tena kyuw toj tokslabʼila kʼonil tiʼja tuʼn kyikʼx nya bʼaʼn tuʼna (Pr 24:16; w20.12 pág. 15).

Maske yabʼ ermana kukx in pakbʼaʼn tukʼil tzalajbʼil tukʼil tamiw. Ex in najbʼen tablet tuʼn tuʼn t-xi tyekʼin jun xnaqʼtzbʼil te xuʼj.

2. Qe qʼinumabʼil ewin ateʼ

(10 min.)

Pr 24:27. ¿Tiʼ xnaqʼtzbʼil jaku tzʼel qiʼn tiʼj proverbio lu? (lv xnaqʼtzbʼil 10, párr. 13 a 15).

Tzaqʼwebʼil
¿Alkyeqe qʼinumabʼil ma che kanet tuʼna toj capítulo te seman lu?

Tzaqʼwebʼil

3. Kjawil uʼjit

(4 min.) Pr 24:1-20 (th xnaqʼtzbʼil 11).

QO OK TE TBʼANEL AJ XNAQʼTZAL

4. Tuʼn t-xi tzyet tuʼn tyolina

(2 min.) TOJ ALKYEXKU LUGAR. In bʼaj yolina tukʼil xjal naʼmxtoq t-xi tzyet tyolina tiʼj Biblia (lmd xnaqʼtzbʼil 2, punto 4).

5. Tuʼn t-xi tzyet tuʼn tyolina

(3 min.) TTZIYELE KYJA XJAL. (lmd xnaqʼtzbʼil 3, punto 4).

6. Tuʼn t-xi tzyet tuʼn tyolina

(3 min.) JATUMEL ATEʼ NIM XJAL. Yolina tukʼil xjal tiʼj xnaqʼtzbʼil tiʼj Biblia ex qʼonxa jun tarjeta te aju in yolin tiʼj xnaqʼtzbʼil lu (lmd xnaqʼtzbʼil 4, punto 3).

7. Chikʼbʼabʼil

(3 min.) lmd apéndice A, punto 11. Tbʼi chikʼbʼabʼil: At jun tbʼanel tqanil tuʼn Dios qe (th xnaqʼtzbʼil 6).

¿ALKYE TTEN TUʼN KYANQʼIN OKSLAL?

Bʼitz 99

8. Qo onin qibʼ qxolx aj qok weʼ twitz jun nya bʼaʼn

(15 min.) Xnaqʼtzankuya kyukʼil erman.

Jaku qo ok weʼ twitz jun yabʼil, twitz jun xitbʼil, twitz qʼoj moqa twitz ikʼbʼil. Aj kyok weʼ erman twitz jlu, in nok tilil kyuʼn tuʼn tbʼaj kyonin kyibʼ ex tuʼn tbʼaj kyqʼuqbʼaʼn kykʼuʼj kyxolx. Maske naʼmx qok weʼ kywitz nya bʼaʼn lu, pero in nel qnikʼ tiʼjju in kubʼ kynaʼn erman ex in nok tilil quʼn tuʼn qonin kyiʼj (1Co 12:25, 26).

Qe tilbʼilal kyiʼj erman in bʼaj kyonin kyibʼ toj junxichaq tten. 1. In jaw kybʼinchaʼn erman jun Ja te Chmabʼil aju otoq kubʼ xitin tuʼn kyqʼiqʼ jbʼal. 2. In xi kyqʼoʼn erman bʼaʼn tulen jun ermana tukʼil tal, aʼyeju ma che pon klol kyibʼ. 3. In kuʼx tqʼoʼn jun ermana tdonación toj caja te contribución toj Ja te Chmabʼil. 4. Toj jun Ja te Chmabʼil, in xi kysipen erman onbʼil kye erman ma che pon klol kyibʼ. 5. In xi kysipen erman aʼ. 6. In naʼn jun erman Dios.

Uʼjinktza 1 Reyes 13:6 ex Santiago 5:16b. Yajxitl, qaninxa xjel lu:

Aj qnaʼn Dios kyiʼj erman in che ok weʼ twitz nya bʼaʼn, ¿tiquʼn qʼuqli qkʼuʼj tiʼj qa in che onin qnaʼj Dios kyiʼj?

Tzaqʼwebʼil

Uʼjinktza Marcos 12:42 a 44 ex 2 Corintios 8:1 a 4. Yajxitl, qaninxa xjel lu:

¿Tiquʼn nim toklen tuʼn t-xi qqʼoʼn qcontribución maske nya nim qpwaq at?

Tzaqʼwebʼil

Qʼonka VIDEO E onin kyiʼj erman toj ambʼil te ikʼbʼil. Yajxitl, qaninxa qe xjel lu:

¿Tiʼ bʼant kyuʼn erman tuʼn kyonin kyiʼj erman e ok weʼ twitz ikʼbʼil?

Tzaqʼwebʼil
¿Alkye tten ok tilil kyuʼn erman tuʼn tok kychmon kyibʼ ex tuʼn tbʼaj kyqʼuqbʼaʼn kykʼuʼj kyxolx maske el qʼiʼn ambʼil kye tuʼn kykʼulin te Jehová? (Heb 10:24, 25).

Tzaqʼwebʼil