¿ALKYE TTEN TUʼN KYANQʼIN OKSLAL?
Tzeʼn jaku qo ok te jun tbʼanel xnaqʼtzal tiʼj Tyol Dios
¿Taja tuʼn kukx ttena tzʼaqli twitz Jehová maske tzʼok bʼinchaʼn nya bʼaʼn tiʼja ik tzeʼn bʼaj tiʼj Daniel? Ok Daniel te jun tbʼanel xnaqʼtzal tiʼj Tyol Dios, ik tzeʼn tuʼn tel tnikʼ kyiʼj yol e kyaj tziyen (Da 9:2). ¿Alkye tten jaku tzʼonin tiʼja tuʼn kukx tajbʼena te Jehová qa ma xnaqʼtzana tiʼj Xjan Uʼj? Jaku tzʼok qeʼ tkʼuʼja qa kjapunel kywi ttziybʼil Jehová (Jos 23:14). Ax ikx, kʼokel tkʼujlaʼna mas Jehová ex kʼonil tuʼn tkubʼ tbʼinchaʼna aju bʼaʼn (Sl 97:10). Noqtzun tuʼnj, ¿jatumel jaku txi tzyet tuʼna? Ximana kyiʼj onbʼil lu.
¿Tiʼ tuʼn t-xnaqʼtzana tiʼj? Tuʼn t-xnaqʼtzana tiʼj tqanil kbʼel xnaqʼtzet kyoj chmabʼil. Kʼelel mas tnikʼa kyiʼj taqikʼ in che jaw uʼjit toj Tyol Dios junjun seman qa ma tzʼel tpaʼna ambʼil tuʼn tjyona mas tqanil tiʼjju mintiʼ in nel tnikʼa tiʼj. At junjun in che xnaqʼtzan kyiʼj yol e kyaj tziyen, kyiʼj mod in tzaj tqʼoʼn xewbʼaj xjan, kyiʼj lugar visitarin apóstol Pablo tiʼj ex kyiʼj tbʼinchbʼen Jehová. Qa ma tzul jun xjel toj twiʼya tiʼj Tyol Dios aj tex qʼij, bʼaʼn tuʼn tkubʼ ttzʼibʼina ex tuʼn t-xnaqʼtzana tiʼj.
¿Jatumel jaku qanet mas tqanil tuʼna? Kkanetel junjun onbʼil tuʼna toj video Qe onbʼil tuʼn tkanet qʼinumabʼil quʼn toj Tyol Dios. Tuʼn tkubʼ tqʼoʼna toj xnaqʼtzbʼil, jyona tqanil tiʼj alkye txkup in kubʼ qʼoʼn te techel junjun nimaq kawbʼil in yolin capítulo 7 te Daniel tiʼj.
¿Jniʼ ambʼil tuʼn t-xnaqʼtzana? Tuʼn tchʼiy tojtzqibʼila, il tiʼj tuʼn t-xnaqʼtzana tkyaqil qʼij. Qa kwest tuʼn t-xnaqʼtzana, bʼaʼn tuʼn t-xi tzyet tuʼna toj chʼin ambʼil ex junjuntl maj jaku xnaqʼtzana mas ambʼil. Tuʼn qxnaqʼtzan tiʼj Tyol Dios ik tten ik tzeʼn tuʼn qjyon kyiʼj qʼinumabʼil: aj tkanet quʼn, kʼokel tilil quʼn tuʼn qjyon mas (Pr 2:3-6). Kchʼiyel tkʼujlabʼila tiʼj Tyol Dios ex kʼokel te jun kostumbr tuʼn t-xnaqʼtzana tiʼj (1Pe 2:2).
¿ALKYE TECHEL IN KUBʼ KYQʼOʼN TXKUP TOJ CAPÍTULO 7 TE DANIEL?
Da 7:4
Da 7:5
Da 7:6
Da 7:7
JUNTL XJEL:
¿Tzeʼn japun twiʼ yol tkuʼx toj Daniel 7:8, 24?
JUNTL TIʼ TUʼN T-XNAQʼTZANA TIʼJ:
¿Alkye techel in kubʼ kyqʼoʼn txkup in yolin capítulo 13 te Apocalipsis tiʼj?