Xqʼuqinka tmejebʼleʼna

Aj kykubʼ mojeʼ kabʼe xjal, in xi kytziyen kyyol twitz Jehová ex in nok tqʼoʼn jlu te xjan. Tuʼntzunju, in tzaj tqʼamaʼn tuʼn kukx kyten junx (Mt 19:5, 6). Ateʼ nim mejebʼleʼn toj ttnam Jehová ex in che tzalaj. Noqtzun tuʼnj, mintiʼ jun mejebʼleʼn tzʼaqli, tuʼntzunju kukx in che tzaj nya bʼaʼn. Miʼn kubʼ qximen qa kjel nya bʼaʼn toj ttxolil aj tel qpan qibʼ moqa aj tkubʼ qxiten qmejebʼleʼn. ¿Tzeʼn jaku tzʼok kyxqʼuqin okslal kymejebʼleʼn?

Qo xnaqʼtzan tiʼj jweʼ nabʼil.

1. Xqʼuqinka tanmiya, miʼn kubʼ tyekʼina qa tgana juntl xjal ex miʼn tzʼok tkeʼyina qe tiʼchaq in netz yekʼin yaẍbʼil toj. Jaku tzaj nya bʼaʼn tiʼj tmejebʼleʼna tuʼn jlu (Mt 5:28; 2Pe 2:14).

2. Chʼiysama tamiwbʼila tukʼil Jehová ex qʼonka tilil tuʼn ttzalaj Jehová tiʼj tmejebʼleʼna (Sl 97:10).

3. Bʼinchama qe chʼixpubʼil ex yekʼinxa tkʼujlabʼila tiʼj tukʼila, iktzun tten jaku che tzalaje (Col 3:8-10, 12-14).

4. Kypaʼmile ambʼil tuʼn kyyoline ex kyqʼonke kyoklene kyxolxe (Col 4:6).

5. Kyyekʼinxe kykʼujlabʼile aj kykubʼ jtane (1Co 7:3, 4; 10:24).

Qa ma tzʼok tilil kyuʼn mejebʼleʼn tuʼn tok kyqʼoʼn kyoklen kyxolx, in kubʼ kyyekʼin qa in nok kyqʼoʼn toklen Jehová, aju bʼinchal mejebʼleʼn.

OTOQXI TZʼOK TKEʼYINA VIDEO MIʼN QO SIKT TUʼN QOJQELAN: QBʼINX QE KAWBʼIL TIʼJ OJQEBʼIL, TZAQʼWENXA QE XJEL LU:

• 

  ¿Tiʼ nya bʼaʼn jaku tzaj toj jun mejebʼleʼn maske tbʼanel aj t-xi tzyet tuʼn kyanqʼin junx?

• 

  ¿Alkyeqe nabʼil toj Tyol Dios jaku tzʼonin kyiʼj qeju in kubʼ kyximen qa mintiʼ kʼujlabʼil toj kymejebʼleʼn?

• 

  ¿Alkyeqe tqanil in xi tqʼoʼn Jehová kye mejebʼleʼn?

• ¿Tiʼ il tiʼj tuʼn tbʼant tuʼn chmilbʼaj ex tuʼn xuʼjilbʼaj tuʼntzun kytzalaj toj kymejebʼleʼn?