¡Qʼonka tilil!

1. ¡Qʼonka tilil tuʼn tchʼiy aju tnabʼila!

Chʼiy tojtzqibʼila ex qʼuqbʼil tkʼuʼja tiʼj Jehová.

Kukx pakbʼana mas ambʼil tiʼj Tkawbʼil Qman

ex ok tzul kʼiwlaʼna tuʼn.

Aju kawbʼil kyaj tqʼamaʼn Jesús,

qʼonka tilil tuʼn t-xi tbʼiʼna kukx.

Bʼaʼn tuʼn tten qʼuqbʼil tkʼuʼja tiʼj Qman Jehová,

tzul qʼoʼn tipumala tuʼn.

2. ¡Qʼonka tilil qʼamanxa aju Tkawbʼil Dios!

Qʼinxa tbʼanel tqanil lu kye xjal twitz tkyaqil Txʼotxʼ,

ex nimsanktza Jehová aju Qrey ex Qdios.

Kukx pakbʼana ttzi kyja xjal.

Miʼn tzaj xobʼa kywitz qe xjal nya bʼaʼn,

kukx tzʼajbʼena toj taqʼun Jehová.

Kukx pakbʼanxa axix tok tuʼn tel kynikʼ xjal,

ex tzʼajbʼena tzʼaqlixix.

3. ¡Qʼonka tilil tuʼn tajbʼena te jumajx!

Tuʼnju at nim aqʼuntl tuʼn tbʼant toj taqʼun Jehová.

Jyoma tumel tuʼn tajbʼena mas toj ttnam,

nimxix ktzalajela tuʼn.

Tuʼnju nimxix tkʼujlabʼila at,

kxel tqʼamaʼna axix tok kye qe xjal.

Qʼonxa onbʼil kye tuʼn kyajbʼen te Jehová,

ex ktel kychwinqlal te jumajx.