¿Tiʼ kbʼantel quʼn tuʼn qtzalaj kyukʼe toj qja?

Tuʼn qtzalaj, ilxix tiʼj tuʼn kyok qkʼujlaʼn toj qja (Efesios 5:33)

In tzaj tqʼamaʼn qMan Dios qa junx t-xuʼjil jun xinaq, moqa ichan, tuʼn tten ax ikx te xuʼj junx tchmil tuʼn tten.

Aju tbʼanel chmilbʼaj in nok tkʼujlaʼn t-xuʼjil ex in nel tnikʼ tiʼ in tnaʼn.

Il tiʼj tuʼn tonin xuʼj tiʼj tchmil.

Ilxix tiʼj tuʼn tokx kybʼiʼn kʼwaʼl kytat.

Tzʼoka te mans ex miʼ che kyaj ttzaqpiʼn toj tjaya, ax ikx miʼn che kubʼ tyajina (Colosenses 3:5, 8-10)

In tzaj tqʼamaʼn Tyol Dios qa il tiʼj tuʼn tok tkʼujlaʼn chmilbʼaj t-xuʼjil ik tzeʼn in nok tkʼujlan tibʼ, ax ikx te xuʼj il tiʼj tuʼn tokx tqʼon tibʼ tjaqʼ tkawbʼil tchmil.

Nya bʼaʼn tuʼn tok ten jun qʼa tiʼj jun txin moqa jun txin tukʼe jun qʼa qa naʼmx kykubʼ mojeʼ, ax ikx qeju o che kubʼ mojeʼ nya bʼaʼn tuʼn kyok ten tukʼil juntl. In tzaj tqʼamaʼn Jehová tuʼn miʼn tpon tkʼuʼj xinaq moqa xuʼj tiʼj juntl.

In tzaj tqʼamaʼn Jehová tiʼ kbʼantel kyuʼn ja xjal tuʼn kyten toj tzalajbʼil.