BʼITZ 74
Qo bʼitzin junx tiʼj bʼitz te Kawbʼil
(Salmo 98:1)
1. Nimxix tzalajbʼil tuʼnju bʼitz te Kawbʼil,
in jaw tnimsaʼn tajwalil Qman Jehová.
In tzaj tqʼuqbʼaʼn qkʼuʼj ex in tzaj tqʼoʼn qipun.
Qo bʼitzin junx tiʼj bʼitz lu ex qqʼamanx:
(QKYAQIL)
«Tzaja nimsal toklen Jehová.
Aj Kawil Tkʼwaʼl, qqʼamanx kye xjal.
Bʼaʼn tuʼn tkyaj bʼitz te Kawbʼil lu toj twiʼya.
Nimsanktza tbʼi Qman tukʼil tbʼanel bʼitz».
2. In xi tqʼamaʼn bʼitz lu tqanil tiʼj Kawbʼil.
¡O txi tqʼoʼn Dios toklen Jesús te Rey!
At jun kʼloj xjal skʼoʼn maj ateʼ junx tukʼil
ex in xi kyqʼoʼn jun bʼaʼn tulena te:
(QKYAQIL)
«Tzaja nimsal toklen Jehová.
Aj Kawil Tkʼwaʼl, qqʼamanx kye xjal.
Bʼaʼn tuʼn tkyaj bʼitz te Kawbʼil lu toj twiʼya.
Nimsanktza tbʼi Qman tukʼil tbʼanel bʼitz».
3. Jaku che bʼitzen mans tiʼj bʼitz te Kawbʼil.
Tuʼn tbʼanel tqanil lu in kubʼ qnaʼn bʼaʼn.
Nimxix kyajlal xjal o kyaj bʼitz lu toj kywiʼ
ex jaʼlo in che txoken kyiʼj qe txqantl:
(QKYAQIL)
«Tzaja nimsal toklen Jehová.
Aj Kawil Tkʼwaʼl, qqʼamanx kye xjal.
Bʼaʼn tuʼn tkyaj bʼitz te Kawbʼil lu toj twiʼya.
Nimsanktza tbʼi Qman tukʼil tbʼanel bʼitz».
(Ax ikx jyonkuxa Sal. 95:6; 1 Ped. 2:9, 10; Apoc. 12:10).