¿In najbʼen aplicación JW Library tuʼna?

Aju aplicación JW Library jun programa jlu noq kukx aju in nonin tuʼn tkuʼtz qiʼn Tyol Dios ex junjuntl uʼj, ik tzeʼn qe video ex audio jaku che kux qqʼoʼn toj yolbʼil, toj tableta moqa toj computadora.

¿ALKYE TTEN JAKU KUʼX QQʼOʼN? Jaku qo okx toj Internet, jaku kuʼtz qiʼn ex jaku tzʼokx qqʼoʼn JW Library toj tienda te aplicaciones. Aju aplicación lu, at toj junxichaq kʼuxbʼil. Qa otoq qo okx toj Internet jaku jaw qjaqoʼn aplicación ex jaku jaw qjyoʼn tiʼ qaj tuʼn tkuʼtz qiʼn toj kʼuxbʼil. Qa mintiʼ Internet toj qkʼuxbʼil, jaku qoʼx toj Ja te Chmabʼil, toj jun kʼaybʼil uʼj, moqa toj juntl tembʼil jatumel at Internet. Qa otoq che kuʼtz qiʼn uʼj, nya il tiʼj tuʼn tten Internet toj qkʼuxbʼil tuʼntzun kyajbʼen quʼn. Ax ikx, chʼixme tkyaqil maj in che oʼkx qʼoʼn junjuntl uʼj, tuʼntzunju, bʼaʼn tuʼn kykuʼtz qiʼn aʼyeju tzma in che kubʼ qʼoʼn qa at.

¿TIQUʼN KBʼELEX QQʼOʼN? Aju aplicación JW Library in nonin qiʼj tuʼn qxnaqʼtzan qjunalx ex toj chmabʼil. Ax ikx, in nonin tuʼn qpakbʼan kye xjal jaxku tumel.