In qo tzaj tkawin Jehová tuʼnju kʼujlaʼn qoʼ tuʼn

Aj qtzaj kawin, at toklen jlu tukʼil xnaqʼtzbʼil in tzaj qʼoʼn qe, noqtzun tuʼnj, ax ikx at toklen tukʼil kastiw ex nabʼil in tzaj qkʼamoʼn. In qo tzaj tkawin Jehová tuʼnju taj tuʼn qkʼulin te ik tzeʼn taj (Ro 12:1; Heb 12:10, 11). Ax tok, mintiʼ in qo tzalaj aj qtzaj kawin. Pero qa ma txi qbʼiʼn kawbʼil in tzaj qʼoʼn qe, qo okel tqʼoʼn Jehová te tzʼaqli ex qo tzajel tkʼiwlaʼn (Pr 10:7). ¿Tiʼ il tiʼj tuʼn kyximen qeju in che qʼon kawbʼil tiʼj ex qeju in chex kawin?

Qeju in che qʼon kawbʼil. In nok tilil kyuʼn ansyan, kyuʼn mambʼaj ex kyuʼn junjuntl tuʼn t-xi kyqʼoʼn kawbʼil tukʼil kʼujlabʼil ik tzeʼn in bʼant tuʼn Jehová (Jer 46:28). Qa il tiʼj tuʼn t-xi qʼet jun kawbʼil kyuw te jun xjal, il tiʼj tuʼn t-xi qʼet tukʼil kʼujlabʼil (Tit 1:13).

Qeju in chex kawin. Noq alkyexku kawbʼil in tzaj qʼoʼn qe, il tiʼj tuʼn t-xi qbʼiʼn ex tuʼn tkubʼ qbʼinchaʼn naj (Pr 3:11, 12). Tuʼnju aj il qoʼ, qkyaqilx il tiʼj tuʼn qtzaj kawin. Jaku qo tzaj kawin aj tjaw quʼjin Tyol Dios moqa aj tok qbʼiʼn jun xnaqʼtzbʼil kyoj chmabʼil. Ex at maj il tiʼj tuʼn qtzaj kawin tuʼn jun kʼloj ansyan in xi tbʼinchaʼn tiʼj jun nya bʼaʼn. Qa ma txi qbʼiʼn kawbʼil ex qa ma kubʼ qbʼinchaʼn, ktel qchwinqlal te jumajx (Pr 10:17).

OTOQXI TZʼOK TKEʼYINA VIDEO, IN CHE TZAJ TKAWIN JEHOVÁ QEJU KʼUJLAʼN QE TUʼN, TZAQʼWENXA QE XJEL LU:

• 

  ¿Tzeʼn jaw chʼiy Canon ex tiʼ bʼaj tiʼj yajxitl?

• 

  ¿Alkye tten xi kawin tuʼn Jehová?

• 

  ¿Tiʼ xnaqʼtzbʼil jaku tzʼel qiʼn tiʼjju bʼaj tiʼj Canon?