¿ALKYE TTEN TUʼN KYANQʼIN OKSLAL?
In nok tilil kyuʼn tuʼn kyxqʼuqin qiʼj
In nok tilil kyuʼn ansyan in che bʼet kyojele Ja te Chmabʼil tukʼil kyxuʼjil tuʼn kyonin qiʼj ex in bʼant jlu kyuʼn tukʼil kʼujlabʼil. Noqtzun tuʼnj, ax ikx in che ok weʼ twitz junjun nya bʼaʼn ik tzeʼn qe. At maj in kubʼ kynaʼn siktleʼn, in tzaj bʼaj kykʼuʼj moqa in che bʼisun (Snt 5:17). Pero tkyaqil seman in nok tilil kyuʼn tuʼn kyximen kyiʼj erman toj congregación jatumel in che visitarin ex in xi kyqʼuqbʼaʼn kykʼuʼj. Tbʼanel qa ma tzʼok qqʼoʼn kyoklen ansyan in che bʼet kyojele Ja te Chmabʼil (1Ti 5:17).
Tej tkubʼ t-ximen apóstol Pablo tuʼn tikʼ visitarilte congregación te Roma tuʼn tonin kyiʼj toj kyokslabʼil, kubʼ t-ximen tuʼn tbʼaj kyqʼuqbʼaʼn kykʼuʼj kyxolx (Ro 1:11, 12). ¿Ope kubʼ t-ximana tzeʼn jaku txi tqʼuqbʼaʼna tkʼuʼj ansyan in bʼet kyojele Ja te Chmabʼil tukʼil t-xuʼjil?
OTOQXI TZʼOK TKEʼYINA VIDEO AJU IN BʼAJ TIʼJ JUN ANSYAN IN BʼET KYOJELE JA TE CHMABʼIL, TZAQʼWENXA QE XJEL LU:
¿Tiʼ aqʼuntl in bʼant kyuʼn ansyan in che bʼet kyojele Ja te Chmabʼil tukʼil kyxuʼjil tuʼnju kʼujlaʼn qe erman kyuʼn?
¿Tzeʼn o che onin tiʼja?
¿Tiʼ jaku bʼant quʼn tuʼn t-xi qqʼuqbʼaʼn kykʼuʼj?