¿ALKYE TTEN TUʼN KYANQʼIN OKSLAL?
¿Tiʼ mas jaku bʼant tuʼna toj akʼaj abʼqʼi te pakbʼabʼil?
Aj qximen tiʼjju tuʼn tbʼant mas quʼn, atz in qo yolin tiʼjju tuʼn qajbʼen mas te Jehová ex tuʼn ttzalaj quʼn. Tbʼanel qa ma tzʼel qpaʼn ambʼil ex qipumal tuʼn qximen tiʼj tiʼ mas jaku bʼant quʼn toj qajbʼebʼil te Jehová tuʼnju in nonin qiʼj tuʼn qchʼiy toj qokslabʼil (1Ti 4:15). ¿Tiquʼn tbʼanel tuʼn kukx qximen tiʼj jlu? Tuʼnju in che chʼexpaj junjun tiʼchaq toj qanqʼibʼil. Bʼalo ya mlay bʼant jun tiʼ quʼn moqa ya o bʼant jun tiʼ quʼn ex jaku qo ximen tiʼj tiʼ mas jaku bʼant quʼn.
Tbʼanel qa ma qo ximen tiʼj tiʼ mas jaku bʼant quʼn naʼmxtoq t-xi tzyet juntl akʼaj abʼqʼi te pakbʼabʼil. ¿Ope ximen teya tuʼn tyolina tiʼj jlu toj ambʼil aj tkʼulina te Jehová kyukʼil toj tjaya? Bʼalo jaku che yoline tiʼj tiʼ mas jaku bʼant tuʼn teyele junjun kyeye moqa kyuʼne kykyaqile.
¿Alkye jun kyxol qe jlu taja tuʼn t-xi tbʼinchaʼna ex tiʼ taja tuʼn tbʼant tuʼna tuʼn tjapun twiʼ?
Tuʼn tuʼjina tiʼj Tyol Dios, tuʼn t-xnaqʼtzana tjunalxa, tuʼn t-xiʼya kyoj chmabʼil ex tuʼn t-xi tqʼoʼna jun teya tyol (w02-S 15/6 pág. 15 párr. 14 ex 15).
Aju pakbʼabʼil (w23.05 pág. 27 párr. 4 ex 5).
Qe tbʼanel qmod (w22.04 pág. 23 párr. 5 ex 6).
Junjuntl tiʼchaq taja tuʼn t-xi tbʼinchaʼna: