¿In che pakbʼan xuʼj aʼyeju testigo de Jehová qe?

In che pakbʼan. Kykyaqil testigo de Jehová pakbʼal qe, ex qxole at nimxix xuʼj, moqa qya. In tzaj tqʼamaʼn Tyol Dios jlu: «Nimku xuʼj e ok ten qʼmalte tqanil» (Salmo 68:11).

In che ok lepeʼ testigo de Jehová kyiʼj kyechel xuʼj in yolin Tyol Dios kyiʼj (Proverbios 31:10-31). Mintiʼ jun kyoklen toj kʼloj okslal, noqtzun tuʼnj, at kyoklen tuʼn kypakbʼan ex in nokxix tilil kyuʼn tuʼn kypakbʼan ttziyele ja moqa jaxku tumel ex in nok tilil kyuʼn tuʼn t-xi kyxnaqʼtzaʼn Tyol Dios kye kyal (Proverbios 1:8). Ax ikx, tukʼil kyyol ex tukʼil kybʼinchbʼen in nok tilil kyuʼn tuʼn kyok te jun tbʼanel techel kywitz txqantl (Tito 2:3-5).