XNAQʼTZBʼIL 55
Tzʼonina tiʼj kʼloj okslal jatumel in nok tchmon tibʼa
Twitz tkyaqil Txʼotxʼ, in che tzalaj nim erman tuʼn kyajbʼen te Jehová kyoj nimku kʼloj okslal. In nok kyqʼoʼn toklen xnaqʼtzbʼil in xi kykʼamoʼn ex in che onin tuʼn tkyaqil kykʼuʼj toj junxichaq tten tiʼj ttnam Jehová. ¿Axpe jlu in kubʼ tnaʼna?
1. ¿Tzeʼn jaku tzʼajbʼen ambʼil tuʼna ex tipumala tuʼn tonina tiʼj kʼloj okslal?
Qkyaqilx jaku qo onin kyiʼj erman. Jun techel, ¿ateʼpe erman ma che tijen moqa yabʼ ateʼ atz jatumel in nok tchmon tibʼa? ¿Jakupe txi tqʼamaʼna kye tuʼn kyxi tiʼna kyoj chmabʼil, tuʼn t-xiʼya loqʼel jun tiʼ at tajbʼen kye moqa tuʼn tonina kyiʼj kyukʼil junjuntl aqʼuntl atz kyja? (Uʼjinktza Santiago 1:27). Ax ikx, jaku qo onin tuʼn tbʼant limpieza moqa tuʼn tbʼaj bʼinchet chʼintl Ja te Chmabʼil. Ni jun in nok obligarin qe tuʼn kybʼant tiʼchaq lu quʼn, sino in bʼant quʼn tuʼnju kʼujlaʼn Jehová quʼn ex qe erman (Salmo 110:3).
Kykyaqil qeju o che bautisarin jaku che ajbʼen mas toj ttnam Jehová. Aqeju ermano in japun requisito kyuʼn, jaku che ok te onil kye ansyan, ex aj tbʼet ambʼil jaku che ok te ansyan. Kykyaqil ermano ex ermana jaku che onin tiʼj pakbʼabʼil aj kyok te precursor. Ax ikx, ateʼ junjun testigo de Jehová in che onin tuʼn kyjaw bʼinchet ja tuʼn qkʼulin te Dios. Ex ateʼ junjuntl in cheʼx kyoj junjun lugar jatumel kyaj erman onbʼil.
2. ¿Tzeʼn jaku qo onin kyiʼj erman tukʼil qpwaq ex kyukʼil tiʼchaq at qe?
In tzaj tqʼamaʼn Tyol Dios jlu: «Qʼonxa nimbʼil te Qman ex qʼonxa jun oyaj te tiʼj tqʼinumabʼla» (Proverbios 3:9). Jun tbʼanel oklenj te qeye aj tajbʼen qpwaqe ex qe tiʼchaq at qeye tuʼn qonine kyiʼj erman ex tuʼn qonine tiʼj pakbʼabʼil twitz tkyaqil Txʼotxʼ (uʼjinktza 2 Corintios 9:7). Ax ikx in najbʼen pwaq lu tuʼn kyxi onit erman jatumel in tzaj jun xitbʼil. Ex ateʼ nim erman o che naqʼet tuʼn tel kypaʼn chʼin pwaq tuʼn t-xi kyqʼoʼn te oyaj (uʼjinktza 1 Corintios 16:2). Jaku kux qʼet onbʼil lu kyoj kaj ateʼ toj Ja te Chmabʼil moqa jaku txi samet toj página te Internet donate.jw.org. In tzaj tqʼoʼn Jehová ambʼil qe tuʼn tkubʼ qyekʼin qkʼujlabʼil tiʼj aj kyajbʼen tiʼchaq at qe tuʼn qonin tiʼj ttnam.
QO JYON MAS TQANIL
Qo xnaqʼtzan kyiʼj junjun tiʼ jaku bʼant tuʼna tuʼn tonina tiʼj ttnam Jehová.
3. Jaku tzʼajbʼen tpwaqa tuʼn tonina kyiʼj txqantl
Aqeju xjal in xi kyqʼoʼn jun oyaj tuʼn tkyaqil kykʼuʼj, kʼujlaʼn qe tuʼn Jehová ex tuʼn Jesús. Toj ambʼil ojtxe, ok tqʼoʼn Jesús twitz tiʼj jun xuʼj viud tej tkux tqʼoʼn toyaj. Kyuʼjinktze Lucas 21:1 a 4 ex che yoline kyiʼj xjel lu:
Aj t-xi qqʼoʼn jun oyaj, ¿ilpe tiʼj tuʼn t-xi qqʼoʼn nim pwaq tuʼn ttzalaj Jehová quʼn?
¿Tiʼ in kubʼ tnaʼn Jehová ex Jesús aj t-xi qqʼoʼn jun oyaj tuʼn tkyaqil qkʼuʼj?
Tuʼn tel kynikʼe tiʼj tzeʼn in najbʼen onbʼil in xi qqʼoʼn, kyqʼonke kywitze tiʼj VIDEO. Yajxitl che yoline tiʼj xjel lu:
¿Tzeʼn in nonin oyaj in xi qqʼoʼn kyiʼj erman twitz tkyaqil Txʼotxʼ?
4. Jaku bʼant tuʼn tonina
Toj ambʼil ojtxe e onin tmajen Jehová tuʼn tbʼaj bʼinchet chʼintl qe ja te kʼulbʼil ex nya oʼkx tukʼil pwaq. Kyuʼjinktze 2 Crónicas 34:9 a 11 ex che yoline tiʼj xjel lu:
¿Tiʼ bʼant kyuʼn aj Israel tuʼn kyxqʼuqin tiʼj «tja Dios»?
Tuʼn tel kynikʼe tiʼj qa ax jlu in bʼant kyuʼn testigos de Jehová, kyqʼonke kywitze tiʼj VIDEO. Yajxitl che yoline kyiʼj xjel lu:
¿Tiquʼn il tiʼj tuʼn tbʼant limpieza toj Ja te Chmabʼil ex tuʼn tok xqʼuqit?
¿Alkye tten jaku tzʼonin teya?
5. Jaku tzʼok tilil kyuʼn ermano tuʼn kyajbʼen mas toj ttnam Jehová
In tzaj tqʼamaʼn Biblia tuʼn tok tilil kyuʼn ermano tuʼn tchʼiy kyamiwbʼil tukʼil Jehová, iktzun tten mas jaku che onin kyiʼj erman. Kyqʼonke kywitze tiʼj VIDEO tuʼn tok kyojtzqiʼne jun ermano o bʼant jlu tuʼn. Yajxitl che yoline tiʼj xjel lu:
¿Alkyeqe tiʼchaq bʼant tuʼn Ryan tuʼn tchʼiy toj tokslabʼil ex tuʼn tonin kyiʼj erman?
In tzaj tqʼamaʼn Tyol Dios alkyeqe requisito tuʼn tjapun kyuʼn ermano kyaj tuʼn kyok te onil kye ansyan moqa te ansyan. Kyuʼjinktze 1 Timoteo 3:1 a 13 ex che yoline kyiʼj xjel lu:
¿Tiʼ nim toklen tuʼn tbʼant kyuʼn ermano kyaj tuʼn kyok te onil kye ansyan moqa te ansyan?
¿Tiʼ il tiʼj tuʼn tbʼant kyuʼn tfamilia? (Kyqʼonke kywitze tiʼj versículo 4 ex 11).
Qa ma tzʼok tilil kyuʼn ermano tuʼn tjapun requisito kyuʼn, ¿tiʼ tbʼanel jaku tzaj kye erman?
AJU IN KUBʼ KYXJELIN JUNJUN XJAL: «¿Jatumel in tzaj pwaq kyuʼn testigos de Jehová tuʼn tchjet tkyaqilju in bʼant kyuʼn?».
¿Tiʼ teya jaku txi ttzaqʼweʼn?
TOJ CHʼIN YOL
In nok tqʼoʼn Jehová toklen aqʼuntl in bʼant quʼn toj ttnam, ik tzeʼn aj tel qpaʼn ambʼil, qipumal ex aj t-xi qqʼoʼn pwaq te onbʼil.
Aju ma qo yolin tiʼj
¿Tzeʼn jaku tzʼajbʼen qipumal ex ambʼil tuʼn qajbʼen te Jehová?
¿Tzeʼn jaku tzʼajbʼen qe tiʼchaq at qe tuʼn qonin kyiʼj erman?
¿Tzeʼn jaku tzʼonin teya tiʼj ttnam Jehová?
OJTZQINKA CHʼINTL
Uʼjinktza tiquʼn mintiʼ in xi kyqʼoʼn tmajen Dios diezmo.
«¿Tiʼ in tzaj tqʼamaʼn Tyol Dios tiʼj diezmo?» (Xnaqʼtzbʼil toj jw.org)
In tzaj tqʼamaʼn Biblia alkye junjun aqʼuntl tuʼn tbʼant kyuʼn xinaq o che bautisarin. Pero ¿tiʼ jaku bʼaj qa il tiʼj tuʼn t-xi tbʼinchaʼn jun ermana jun kyxol aqʼuntl lu?.
«Aju kyoklen ansyan at toj kʼloj okslal» (Aju Xqʼuqil, febrero te 2021)
Ojtzqinka junjun erman in nok tilil kyuʼn tuʼn t-xi kysipen uʼj kye txqantl erman.
Bʼaʼn tuʼn tel tnikʼa tiʼj tiquʼn junxitl tten in xi chjet aqʼuntl in bʼant kyuʼn testigos de Jehová kywitz txqantl okslabʼil.
«¿Jatumel in tzaj pwaq tuʼn tbʼant aqʼuntl kyuʼn testigo de Jehová?» (Xnaqʼtzbʼil toj jw.org)