BʼITZ 130
Qnajsanku qil qxolx
(Salmo 86:5)
1. Tzaj tsamaʼn Jehová Tkʼwaʼl
tuʼn tkyim tuʼn qpaj, tuʼn tchjet qil
ex tuʼn qtzaqpaj tuʼn tiʼj kyimen,
tuʼnju nim tkʼujlabʼil qiʼj.
Qa ax tok ma tzʼajtz tiʼj qanmi
tiʼj nya bʼaʼn o kubʼ qbʼincha’n,
jaku kubʼ tnajsaʼn Jehová qil
tuʼnju chojbʼil xi tqʼoʼn Tkʼwaʼl.
2. At nim qʼaqʼbʼil tkʼuʼj Dios
tiʼjju xjal in tbʼinchan bʼaʼn,
in tzaj qʼaqʼin tkʼuʼj tiʼj tukʼil
ex in kubʼ tnajsaʼn kyil txqantl.
Bʼaʼn tuʼn tikʼx nya bʼaʼn in tzaj qxolx
ex mintiʼ tuʼn taj qqʼoʼn t-xel.
Qyekʼinx axix tok qkʼujlabʼil
kyiʼj erman ex qqʼonk kyoklen.
3. Bʼaʼn tuʼn t-xi qxnaqʼtzan qibʼ
tuʼn t-xi qyekʼin qʼaqʼbʼil qkʼuʼj.
Kʼonil qiʼj tuʼn miʼn t-xi qkʼuʼn qʼoj
ex tuʼn miʼn kyel qikʼen txqantl.
Qnajsam kyil txqantl tuʼn tkyaqil qkʼuʼj
ik tzeʼn in bʼant tuʼn Jehová.
Iktzun tten qo tel toj txubʼtxaj
ex junx kyukʼil qe erman.
(Ax ikx jyonkuxa Mat. 6:12; Efes. 4:32; Col. 3:13).